Upos para sinahguan

Upos para i segundo gi menu

Upos para i sinahguan gi sanmena

Testigun Jeova Siha

Chamorro

Maolek Na Notisia Siha Ginen As Yu’us!

 LEKSIÓN 1

Hafa i Maolek Na Notisia?

Hafa i Maolek Na Notisia?

1. Hafa i notisia ginen as Yu’us?

Si Yu’us malago’ nu i taotao para umágosa i lina’la’ gi tano’. Ha na’huyong i tano’ yan todu i guinaha-ña sa’ Ha guaiya i taotao. Ti apmam para u pribeniyi mas maolek gi mamamaila’ na tiempo para i taotao gi kada lugát. Guiya para u alibiu i taotao siha ginen i pinadesi.Taitai Jeremiah 29:11.

Taya gobietno muna’siña para u na’suha i minalamaña, peste pat finatai. Lao guaha maolek na notisia siha. Ti apmam si Yu’us para u tahgue todu i gobietnon taotao ni mismo gobietno-ña. Gi papa’ este na aturidát para umágosa i pas yan i hinemlo’.Taitai Isaiah 25:8; 33:24; Daniel 2:44.

2. Sa’ hafa na presisu i maolek na notisia?

I pinadesi para u taya solu ha’ komu si Yu’us ha na gasgas i tano’ ni manáilayi. (Zephaniah 2:3) Ngai’an nai para umásusedi este? I Palabran Yu’us ha sangan na i kondisión siha pa’go ha minanasa todu i taotao. Pa’go na sinisedi siha á’annok na si Yu’us tiempo-ña esta hihot.Taitai 2 Timothy 3:1-5.

3. Hafa debi ta cho’gue?

Hita debi ta tungo’ pot si Yu’us ginen i Palabra-ña, gi Biblia. Kalan un katta para hita ginen i guaiyayon na tata. Ha sangangani hit taimanu para ta gosa i mas maolek na lina’la’ pa’go yan taimanu para ta gosa i táihinekkok na lina’la’ gi tano’ gi mamamaila’ na tiempo. Hunggan, magahet na guaha siha ti mumalago’i na para un ma’asiste ni para un komprende i Biblia. Lao i mas maolek na aputinidát gi mamamaila’ na tiempo mampos bunitu para un renunsia.Taitai Proverbs 29:25; Revelation 14:6, 7.