1. Hafa i maolek na notisia pot i manmatai?

Anai matto si Jesus gi Bitaniha hihot giya Herusalen, i amigu-ña as Lasaru kuatro dias desde ki matai. Si Jesus humanao para i enteru na lugát kontodu si Martha yan si Maria i mane’lun i matai. Ti apmam, manetnon i taotao siha. Kao siña un hasso i minagof-ñiha si Martha yan si Maria anai si Jesus ha na’la’la’ tatte si Lasaru?Taitai John 11:21-24, 38-44.

Si Martha esta manungo’ ni maolek na notisia pot i manmatai. Ha tungo’ na si Jeova para u na’i resureksión i manmatai ya u fansaga gi hilo’ tano’ ta’lo.Taitai Job 14:14, 15.

2. Hafa i kondisión i manmatai?

Si Yu’us ha sangani si Adám: “Potbos hao yan para un bira hao gi petbos ta’lo.”GENESIS 3:19.

I taotao manmafa’tinas ginen i petbos. (Genesis 2:7; 3:19) Ti manespiritu hit ni lala’la’ gi tátaotao. Mantaotao hit pues taya patte lala’la’ giya hita yanggen matai hit, i titanos-ta matai lokkue’. Yan i hinasso-ta taya ha’ esta, pues pot enao, taya si Lasaru ha sangan na ha eksperensia finatai sa’ i matai taya konsensia-ña.Taitai Psalm 146:4; Ecclesiastes 9:5, 6, 10.

Kao si Yu’us ha kastiga i manmatai gi guafi? Pues i Biblia ha na’annok na i matai táikonsensia, i sasalaguan klaru na fatso na fina’na’gue ni mafaiseknani si Yu’us. I idea ni  para u makastiga i taotao gi guafi mampos ni na’disganao gue’.Taitai Jeremiah 7:31.

3. Kao siña i matai ha kuentusi hit?

I matai ti siña kumuentos pat sinó manhungok. (Psalm 115:17) Lao guaha mantáilayi na mananghet siha ya ma kuentusi i taotao ma pritende na siha i matai na taotao. (2 Peter 2:4) Si Jeova ha prohibi ayu siha i chumachagi kumeke tungo’ pot i matai.Taitai Deuteronomy 18:10, 11.

4. Hayi para u fanla’la’ ta’lo tatte?

Miyón siha na taotao ni manmatai para u fanla’la’ tatte gi tano’. Maseha guaha ti tumungo’ si Yu’us yan ayu siha i chumo’cho’gue i manbaba para u fanmana’i resureksión.Taitai Luke 23:43; Acts 24:15.

Todu ayu i manmana’i resureksión para u fanmanungo’ ni minagahet pot si Yu’us yan para u fanmanhongge yan obidiente gi as Jesus. (Revelation 20:11-13) Todu ayu i manla’la’ ya ma cho’gue i maolek siha para u magosa i lina’la’ táihinekkok gi tano’.Taitai John 5:28, 29.

5. Hafa i resureksión ha sangani hit pot si Jeova?

Si Yu’us ha na’guaha dineseha para i manmatai ya ha na’posipble ginen i lahi-ña ni matai para hita. Pues i resureksión ha sangani hit pot i guinaiyan Jeova yan i fabot ni ti ta miresi. Yanggen i manmatai manla’la’ ta’lo, hayi malago’-mu para un li’e’?Taitai John 3:16; Romans 6:23.