Za aha birimu

Za ahari menu eya kabiri

Abahamya ba Yehova

Orukiga

Obukama bwa Ruhanga n’enki?

Obukama bwa Ruhanga n’enki?

Mbehi ni . . .

  • ekintu kiri omumutima gwawe?

  • omugani?

  • obutegyeki bw’omu iguru?

 EKI BIBULI ERI KUGAMBA

“Ruhanga ow’omu iguru aryataho obundi bugabe, obutaricwekyerezibwa ebiro byona.”​—Danieli 2:44, Runyankore-Rukiga Bible, 1964.

“Omwana w’omwojo atuhairwe, obutegyeki buryaba aha mabega ge.”​—Isaaya 9:6.

BIKWINIIRE MUGASHO KI?

  • Obutegyeki buboniire buryakureetera ebirungi biingi.​—Isaaya 48:17, 18.

  • Omu nsi nsya erihiihi kwija, noyija kutunga amagara marungi.​—Okushuuruurwa 21:3, 4.

 MBEHI TUSHEMERIIRE KWESIGA EBI BIBULI ERI KUGAMBA?

Yego, ahabw’enshonga nk’ibiri:

  • Yesu akereka eki Obukama bwa Ruhanga buraze kutureetera. Yesu akegyesa abakurasi beye okushaba ngu Obukama bwa Ruhanga bwiije kandi eby’akunda bikorwe omu nsi. (Matayo 6:9, 10) Kandi akashoboorora oku biriije kukorwa.

    Obu Yesu yabire ari omu nsi, akagaburira abiine enjara, yakiza abarwiire kandi yazoora abafiire! (Matayo 15:29-38; Yohaana 11:38-44) Ebi Yesu yakozire nibitumanyisa ebintu birungi ebi ariije kutukorera ku aratandike kutegyeka omu Bukama bwa Ruhanga.​—Okushuuruurwa 11:15.

  • Ebiriho erizooba nibitumanyisa ngu Obukama bwa Ruhanga buri hiihi kwiija. Yesu akaba yagambire ngu Obukama buri hiihi kutegyeka, omu nsi hakaba nihaza kubaho endwano, enjara n’emitsitsa.​—Matayo 24:3, 7.

    Erizooba ebyo byona nitubireeba. N’ahabw’ekyo, nitwesiga ngu Obukama bwa Ruhanga buri hiihi kwihaho okubonabona koona.

 TEKYEREZA

Ruhanga nayija kukora ki ngu ensi ebe ndungi?

Bibuli neshoboorora ekibuuzo ekyo, omuri ZAABURI 37:29; na ISAAYA 65:21-23.