Za aha birimu

Za ahari menu eya kabiri

Abahamya ba Yehova

Orukiga

N’oha orikutegyeka ensi?

N’oha orikutegyeka ensi?

Mbwenu shi ni . . .

  • Ruhanga?

  • abantu?

  • Sitaane?

 EKI BIBULI ERI KUGAMBA

‘Ensi yoona eri omu butegyeki bw’Omubi.’​—1 Yohaana 5:19, Runyankore-Rukiga Bible, 1964.

‘Omwana wa Ruhanga akorekyerwa’ kumaraho ‘emirimo ya Sitaane.’​—1 Yohaana 3:8.

BIKWINIIRE MUGASHO KI?

Noza kushoborokyerwa ahabw’enki hariho okubonabona kwingi omu nsi.​—Okushuuruurwa 12:12.

Noza kwesiga ngu ensi niija kuba ndungi munonga.​—1 Yohaana 2:17.

 MBEHI TUSHEMERIIRE KWESIGA EBI BIBULI ERI KUGAMBA?

Yego, ahabw’enshonga nk’ishatu:

  • Obutegyeki bwa Sitaane nibuza kuhwaho. Yehova nayenda ngu obutegyeki bwa Sitaane buhweho. Akaraganisa ngu ‘nayija kuhindura busha Sitaane’ kandi aboneze ebi yashishire.​—Abaheburaayo 2:14.

  • Ruhanga akatorana Yesu okuba omutegyeki w’ensi. Yesu tari kushusha n’omutegyeki mubi w’ensi egi kandi orikwekunda. Ruhanga akagamba aha butegyeki bwa Yesu ati: ‘aryasaasira abooro n’abakyene, aryacungura amagara gaabo, agaihe omu kubonabonesibwa n’omu mwaga.’​—Zaaburi 72:13, 14.

  • Ruhanga takabiiha. Bibuli negira ngu: ‘Ruhanga takabaasa kubiiha.’ (Abaheburaayo 6:18) Yehova yaraganisa kukora ekintu, naba ari nk’owakikozire! (Isaaya 55:10, 11) ‘Omutegyeki w’ensi egi niija kubingwa.’​—Yohaana 12:31.

 TEKYEREZA

Ensi niija kuba eri eta omutegyeki wayo ku ararugeho?

Bibuli neshoboorora ekibuuzo ekyo, omuri ZAABURI 37:10, 11 na OKUSHUURUURWA 21:3, 4.