Za aha birimu

Za ahari menu eya kabiri

Za ahari Ebirimu

Abahamya ba Yehova

Orukiga

Hurikiza Ruhanga Obeho Ebiro Byona

 EKICWEKA KYA 1

Nitubaasa Kuhurira Ruhanga Tuta?

Nitubaasa Kuhurira Ruhanga Tuta?

Ruhanga nakoresa Bibuli okugamba niitwe. 2 Timoseo 3:16

Ruhanga ow’amazima akakoresa abantu okuhandiika ebigambo byeye omukitabo ekiri kwera, Bibuli. Kirimu obwengye obu Ruhanga ari kwenda ngu omanye.

Ruhanga namanya ebitushemeriire, kandi niwe orikutuhereza obwengye bwona. Wamuhurira niiwe noyija kuba omunyabwengye. —Enfumu (Emigani) 1:5.

Ruhanga nayenda ngu abantu boona bashome Bibuli. Nobaasa kugibona omundimi nyingi.

Waba orikwenda kuhurira Ruhanga, oshemeriire kushoma Bibuli kandi okagishoborokyerwa.

 Abantu omumahanga goona nibahurira Ruhanga. Matayo 28:19

Abahamya ba Yehova nibakukwasa kugishoborokyerwa.

Nibegyesa amazima ga Ruhanga omunsi yoona.

Abahamya ba Yehova nibegyeseza abantu busha. Nobaasa nokwega ahari Ruhanga ahu bari kushabira.