Za aha birimu

Za ahari Ebirimu

Abahamya ba Yehova

Torana orurimi Orukiga

 EKICWEKA KYA 5

Omwijuro gw’Amiizi.—Abamwe Bakahurira Abandi Bayanga

Omwijuro gw’Amiizi.—Abamwe Bakahurira Abandi Bayanga

Abantu biingi omubwire bwa Noa bakaba bari babi. Okutandika 6:5

Adamu na Eva bakazaara abaana kandi abantu baeba biingi omu nsi. Baamarayika abamwe bakakwatanisa na Sitaane omukugoma.

Bakiija omu nsi bajwara emibiri y’abashiija reero bataasya abakazi. Abo bakazi bakazaara abaana bashambire, bari nk’enyamishwa kandi b’ebihanda.

Ensi ekiijura abantu babi abari kukora ebintu bibi. Bibuli negira ngu ‘obubi bw’abantu bukaba buri bwingi omu nsi, na buri kiteekateeko ky’omu mitima yaabo kiri kibi.’

 Noa akahurira Ruhanga aza yayombeka emeeri. Okutandika 6:13, 14, 18, 19, 22

Noa akaba ari omuntu murungi. Yehova akamugambira ngu yaza kukoresa omwijuro gw’amiizi kumaraho abantu babi.

Nambwenu Yehova akagambira Noa ngu ayombekye obwato buhango, oburi kwetwa emeeri, atemu ab’omuka ye n’ahari buri nyamishwa.

Noa akaburira abantu ahakwiija k’omwijuro gw’amiizi, kwonka tibamuhurira. Abamwe bakamushekyerera, abandi bamwanga.

Noa ku yaherize kombeka emeeri yatamu enyamishwa.