Za aha birimu

Za ahari menu eya kabiri

Abahamya ba Yehova

Orukiga

Bibuli erimu enki?

Bibuli erimu enki?

Mbwenu shi erimu . . .

  • obwengye bw’abantu?

  • emigani y’ebishuba?

  • ekigambo kya Ruhanga?

 EKI BIBULI ERI KUGAMBA

‘Ebyahandiikirwe byona, bikahandikisibwa Omwoyo wa Ruhanga.’​—2 Timoseo 3:16, Runyankore-Rukiga Bible, 1964.

BIKWINIIRE MUGASHO KI?

Nibibaasa kukukwasa omu bibuuzo bishambire ebi orikwebuuza.​—Enfumu (Emigani) 2:1-5.

Nibibaasa kukuha obuhabuzi bwa burizooba.​—Zaaburi 119:105.

Nibikwereka oku oratunge amagara agari kwiija.​—Abarooma 15:4.

 MBEHI TUSHEMERIIRE KWESIGA EBI BIBULI ERI KUGAMBA?

Yego, ahabw’enshonga nk’ishatu:

  • Ebi eri kugamba nibyikirizana. Bibuli ekahandiikwa omu myaka erikukira 1,600. Ekahandiikwa abantu 40 batari bamwe. Abiingi bakaba batakaamanyana. Kwonka, ekitabo eki nikigamba ebintu bimwe kandi biine ekigyendererwa kimwe.

  • Nikigamba amazima. Abahandiiki abamwe nibashereka okusingwa kw’ihanga ryabo. Kwonka abahandiiki ba Bibuli bakahandiika enshobe zaabo hamwe n’ezahikire ah’ihanga ryabo.​—2 Obusingye 36:15, 16; Zaaburi 51:1-4.

  • Kirimu obuhanuzi buhikire. Bibuli ekagamba okushenyuka kwa Babulooni ya kare, kandi ku haahwire emyaka 200 byabaho. (Isaaya 13:17-22) Ekashoborora gye aha ku Babulooni yabiire neza kushenyuka kandi yagamba n’iziina ery’omusirikare mukuru owahakwasire!​—Isaaya 45:1-3.

    Obundi buhanuzi bwa Bibuli nabwo bukahikirira nk’oku bwabiire bugambirwe. Buzima zima, kikaruga ahari Ruhanga!​—2 Petero 1:21.

 TEKYEREZA

Bibuli nebaasa kukukwasa eta kugira amagara marungi?

Bibuli neshoboorora ekibuuzo ekyo, omuri ISAAYA 48:17, 18 na 2 TIMOSEO 3:16, 17.