Za aha birimu

Za ahari menu eya kabiri

Abahamya ba Yehova

Orukiga

Ensi niija kuba eri eta?

Ensi niija kuba eri eta?

Mbwenu shi, niija . . .

  • kuguma nk’oku eri?

  • kuba mbi munonga?

  • kubonera?

 EKI BIBULI ERI KUGAMBA

‘Ruhanga aryaragaza amarira goona aha maisho gaabo; tiharibaho kufa bundi, n’obu kwakuba okucura nari okurira nari obusaasi, ahakuba ebya ira biryaba bihweireho.’​—Okushuuruurwa 21:3, 4, Runyankore-Rukiga Bible, 1964.

BIKWINIIRE MUGASHO KI?

Noyija kwesimira omurimo ogu orakore.​—Isaaya 65:21-23.

Oburwire ninga okushaasha biryaba bihwireho.​—Isaaya 25:8; 33:24.

Noyija kushemererwa n’ab’eka yawe hamwe n’abanywani bawe ebiro byona.​—Zaaburi 37:11, 29.

 MBEHI TUSHEMERIIRE KWESIGA EBI BIBULI ERI KUGAMBA?

Yego, ahabw’enshonga nk’ibiri:

  • Ruhanga ayine amaani go kubikora. Bibuli negira ngu Yehova Ruhanga ni we wenka orikwetwa “ow’obushoboorozi bwona,” ahabw’okuba ayine amaani miingi. (Okushuuruurwa 15:3) N’ahabw’ekyo nabaasa kuhindura ensi yoona ekaba ndungi. Bibuli negira ngu, “ahari Ruhanga byona nibibaasika.”—Matayo 19:26.

  • Ruhanga nayendera kimwe kukora ebi yaraganisize. Eky’okureberaho: Yehova nayendera kimwe kuzoora abantu abaafiire.—Yobu 14:14, 15.

    Kandi Bibuli netwereka ngu Yesu, Omwaana wa Ruhanga, akakiza abarwiire. N’ahabw’enki yabikozire? N’ahabw’okuba akaba nakuunda abantu. (Mako 1:40, 41) Yesu akaba nakora nk’eby’ishe; akakwasa abantu omu kubonabona kwabo.—Yohaana 14:9.

    N’ahabw’ekyo, nitubasa kwesiga Yehova na Yesu ku nibenda kutukwasa kwesima omubiro by’omumiisho!—Zaaburi 72:12-14; 145:16; 2 Petero 3:9.

 TEKYEREZA

Ruhanga niija kukora ki ngu ensi ebe ndungi?

Bibuli neshoboorora ekibuuzo ekyo, omuri MATAYO 6:9, 10 na DANIELI 2:44.