Za aha birimu

Za ahari menu eya kabiri

Abahamya ba Yehova

Orukiga

N’enki ekiri kureetera eka kushemererwa?

N’enki ekiri kureetera eka kushemererwa?

Mbwenu shi ni . . .

  • rukundo?

  • esente?

  • ekindi kintu?

 EKI BIBULI ERI KUGAMBA

“Abaine omugisha, n’abahurira ekigambo kya Ruhanga, bakakyorobera.”​—Luka 11:28, Runyankore-Rukiga Bible, 1964.

BIKWINIIRE MUGASHO KI?

Noyija kubona rukundo eyijwire.—Abaefeso 5:28, 29.

Nimuza koroberana.—Abaefeso 5:33.

Nimuza kukwatanisa.—Mako 10:6-9.

 MBEHI TUSHEMERIIRE KWESIGA EBI BIBULI ERI KUGAMBA?

Yego, ahabw’enshonga nk’ibiri:

  • Ruhanga niwe watandikire amaka. Bibuli negira ngu amaka ‘goona nigeetererwa’ Yehova Ruhanga. (Abaefeso 3:14, 15) Nikimanyisa ngu amaka goona gariho ahabw’okuba Yehova niwe wagahangire. Bikwinire mugasho ki?

    Nikyo kimwe, twayenda kumanya ebirashemeza eka, tushemeriire kubuuza Yehova, owatandikire amaka.—Okutandika 2:18-24.

    Ka tugambe ngu warya eby’okurya binuzire kandi noyenda kumanya ebirungo ebi batamu; noza kubuuza oha? N’eky’obwengye kubuuza owabitekire.

  • Ruhanga nakutaho omutima. N’eky’obwengye amaka kurondera obuhabuzi ahari Yehova, oburi omu kigambo kyeye. Ahabw’enki? “Ahabw’okuba naabataho omutima.” (1 Petero 5:6, 7) Yehova nakwendeza ebirungi kandi obuhabuzi bweye bukwiniire omugasho!—Enfumu (Emigani) 3:5, 6; Isaaya 48:17, 18.

 TEKYEREZA

Okakora ki ngu obe omushiija, omukazi ninga shi omuziire murungi?

Bibuli neshoboorora ekibuuzo ekyo, omuri ABAEFESO 5:1, 2 na ABAKOLOSAI 3:18-21.