Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa video

Mga Saksi ni Jehova

Cebuano

Nagkadaghan ang Membro sa mga Saksi ni Jehova

Nagkadaghan ang Membro sa mga Saksi ni Jehova

Niadtong 1987, si Lyman Swingle, membro sa Nagamandong Lawas sa mga Saksi ni Jehova, nagpakigpulong ngadto sa 63,580 ka tawo nga nagkatigom sa Plaza Monumental sa Valencia, Venezuela. Daghan ang mibiyahe tibuok gabii sakay sa bus aron makadungog sa iyang pakigpulong. Si Brader Swingle miingon sa nanambong: “Di na mo gamayng sanga. Dakodako na mo nga sanga. Ug sa akong tan-aw, sa di madugay moabot na mog 100,000 ka magmamantala!”

Sa 1987, kapin rag 38,000 ka Saksi ni Jehova ang Venezuela nga aktibong nagsangyaw sa maayong balita sa Gingharian. Nianang panahona, walo lang ka nasod ang dunay kapig 100,000 ka magmamantala.

Kusog gayod ang pagdaghan sa mga Saksi ni Jehova sa tibuok kalibotan. Pagkahuman sa Gubat sa Kalibotan I, pipila lang ka libo ang nagsangyaw sa Gingharian ni Jehova. Nausab kana. Ang 1943 Yearbook of Jehovah’s Witnesses nag-ingon: “Gipanalanginan ang katibuk-ang report sa 1942, bisag di pa kompleto tungod kay di maayo ang komunikasyon . . . , kay gipakita niini nga sa tibuok kalibotan kapin nag 106,000 ka magmamantala ang nakigbahin sa buluhatong pagsangyaw sa maayong balita.” Bisan taliwala sa Gubat sa Kalibotan II, daghang tawo ang midawat sa kamatuoran sa Bibliya. Sa 1950, mikapin nag 100,000 ka magmamantala ang United States.

Ang sunod nga nasod nga nakaabot ug 100,000 ka magmamantala mao ang Nigeria niadtong 1974.

Pagkasunod tuig, mikapin usab sa 100,000 ka magmamantala ang Brazil ug Germany. Kini nga pag-uswag diha sa upat ka kontinente nagpakita nga daghan ang midawat sa kamatuoran sa tibuok kalibotan.

Sa tibuok yuta, nagpadayon sa pagdaghan ang midawat sa maayong balita. Katumanan kini sa gitagna sa Bibliya: “Ang diyutay mahimong usa ka libo, ug ang gamay usa ka gamhanang nasod. Ako, si Jehova, magpadali niini sa kaugalingong panahon niini.”Isaias 60:22.

Sumala sa report para sa 2014 nga tuig sa pag-alagad, dunay 24 ka nasod nga mikapin nag 100,000 ka Saksi matag nasod. Kini naglakip sa Venezuela, nga nakaabot nag 100,000 niadtong 2007. Sa tibuok kalibotan, dunay 115,416 ka kongregasyon sa mga Saksi ni Jehova ug 8,201,545 ka magmamantala.

Mga nasod nga may kapin sa 100,000 ka magmamantala

Kontinente

Nasod

Magmamantala

Africa

Angola

108,607

Congo, Democratic Republic of

216,024

Ghana

125,443

Nigeria

362,462

Zambia

178,481

Asia

Japan

215,703

Korea, Republic of

100,641

Philippines

196,249

Europe

Britain

138,515

France

127,961

Germany

166,262

Italy

251,650

Poland

123,177

Russia

171,268

Spain

112,493

Ukraine

150,906

North America

Canada

116,312

Mexico

829,523

United States of America

1,243,387

South America

Argentina

150,171

Brazil

794,766

Colombia

166,049

Peru

123,251

Venezuela

140,226

Pagkat-og Dugang

Giunsa Pag-organisar sa mga Saksi ni Jehova ang Ilang Buluhatong Pagsangyaw?

Gisunod namo ang sumbanan ni Jesus sa dinhi pa siya sa yuta. Unsa ang pipila niini ka paagi sa pagsangyaw?