Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa video

Mga Saksi ni Jehova

Cebuano

Warwick Photo Gallery 5 (Septiyembre 2015 Hangtod sa Pebrero 2016)

Warwick Photo Gallery 5 (Septiyembre 2015 Hangtod sa Pebrero 2016)

Atong makita niini nga photo gallery ang kaugmaran sa trabaho didto sa bag-ong headquarters sa mga Saksi ni Jehova ug kon sa unsang paagi gisuportaran sa mga boluntaryo ang konstruksiyon gikan sa Septiyembre 2015 hangtod sa Pebrero 2016.

Drowing sa nahuman nga mga bilding sa Warwick complex. Clockwise gikan sa ibabaw nga wala:

  1. Vehicle Maintenance Building

  2. Visitor Parking

  3. Maintenance Building/Resident Parking

  4. Residence B

  5. Residence D

  6. Residence C

  7. Residence A

  8. Offices/Services Building

Oktubre 7, 2015—Warwick site

Arko nga para sa tulay sa kalamakan gidala ngadto sa pundasyon sa tulay. Sa gidiskarga kini, gipahiluna una kini sa mga ligid. Ang tulay makatabang sa pagpanalipod sa kalamakan.

Oktubre 13, 2015—Offices/Services Building

Sa dili pa moabot ang tingtugnaw, mausab ang kolor sa berdeng atop nga gitabonan ug umogon nga matang sa mga tanom nga gitawag ug “sedum.” Mga 16 ka klaseng sedum ang gitanom diha sa mga atop. Ang mga “green roof” makatabang nga dili kaayo mabanlas ang yuta tungod sa ulan, makapakunhod sa gasto sa enerhiya ug kinahanglang kuhaan lag mga sagbot aron magpabiling himsog.

Oktubre 13, 2015—Residence D

Karpintero nga nagtaod ug scribe molding sa kosina sa usa ka kuwarto. Sa kataposan sa Pebrero 2016, ang Carpentry Department nakataod nag kapin sa 60 porsiyento sa mga kabinet para sa kosina.

Oktubre 16, 2015—Offices/Services Building

Mga elektrisyan nagtaod ug mga sugang light-emitting diode (LED) nga magpasiga sa Watch Tower logo diha sa courtyard tower.

Oktubre 21, 2015—Offices/Services Building

Sug-an magabii ang Offices/Services Building, apil ang courtyard tower ug entrance lobby. Puwedeng mosaka ang mga bisita diha sa tower aron ilang makita ang nindot nga talan-awon sa Warwick site ug sa palibot niini.

Oktubre 22, 2015—Warwick site

Mga nagtrabaho sa konstruksiyon naghimog karsada para sa mga emergency vehicle pinaagig pagbutang ug mga graba ug pagsemento niini. Ang temporaryong burlap cover sa duol makatabang nga dili kaayo mabanlas ang yuta panahon sa konstruksiyon.

Nobyembre 9, 2015—Offices/Services Building

Ang mga nagtrabaho nagtaod ug prefabricated skylight ibabaw sa elevator lobby. Pinaagig 11 ka skylight diha sa Offices/Services Building, mahayagan sa adlaw ang interyor nga mga dapit niini.

Nobyembre 16, 2015—Maintenance Building/Resident Parking

Gamit ang oxygen-acetylene beveling machine, giputol sa welder ang carbon steel nga tubo para sa chilled water system.

Nobyembre 30, 2015—Offices/Services Building

Karpintero nagtaod ug tabla para sa pasamano sa bentana. Human malebel ang tabla ug mataod ang bungbong, itaod na ang human-daan nga pasamano sa bentana (windowsill).

Disyembre 17, 2015—Warwick site

Ang “pavers” (gama sa bricks para sa agianan) giplastar samtang nag-ulan. Sa tungatunga sa tuong bahin sa hulagway, may abohon nga “screed” nga nagpatag sa duha ka lut-od nga graba. Sa atubangang bahin sa hulagway, gipaubos sa excavator nga gibutangag hydraulic installation clamp ang pavers aron maplastar kini. Sa wala, may plastic tarp nga gitabon sa yuta aron dili mabanlas.

Disyembre 24, 2015—Warwick site

Mga trabahante nagbitad ug medium-voltage wire ngadto sa electrical substation, nga maoy magsuplay ug koryente sa Warwick complex.

Enero 5, 2016—Offices/Services Building

Trabahante nagtapos sa frame sa atop sa walkway tali sa Visitor Parking ug sa Offices/Services Building. Kini nga atop mag-protektar sa mga bisita nga dili mabasa sa ulan ug snow.

Enero 5, 2016—Maintenance Building/Resident Parking

Teknisyan nga nag-adjust sa boiler settings diha sa control panel. Nainstalar na ang upat ka boiler sa Warwick complex.

Pebrero 8, 2016—Offices/Services Building

Mga trabahante nagtaod sa mga dryer sa Laundry Department. Ang mga dryer kasudlag 6 ngadto sa 45 ka kilo. Ang mga washing machine iplastar sa wala nga bahin.

Pebrero 8, 2016—Tuxedo complex

Si Gerrit Lösch, membro sa Nagamandong Lawas, nagdumalag Pagtuon sa Bantayanang Torre sa pamilyang Bethel. Kini nga programa gi-broadcast ngadto sa ubang lokasyon diin nagpuyo ang mga trabahante sa Warwick.

Pebrero 19, 2016—Residence A

Ang Interiors Department naghatod ug carpet ngadto sa usa sa mga residence building. Kapig 65,000 ka metro kuwadrado nga carpet ang giorder para sa Warwick complex.

Pebrero 22, 2016—Warwick site

Tali sa Septiyembre 2015 ug Pebrero 2016, nadawat na ang mga certificate of occupancy para sa Residence C ug D, ug dinhi temporaryong mopuyo ang mga nagtrabaho. Nataod na sab ang mga elevator sa mga bilding. Ang konstruksiyon sa Residence Drive, apil ang pagplastar sa pavers, nahuman na pod. Tungod kay dili kaayo grabe ang tingtugnaw, nakapadayon ang landscaping nga abante sa eskedyul.

Pebrero 24, 2016—Maintenance Building/Resident Parking

Membro sa suspended-ceiling crew naggamit ug stilts aron mataod ang mga grid para sa kisame. Ang Walls/Ceilings Department maoy nagtrabaho sa pagtaod sa mga frame, insulation, drywall hanging, finishing, ug plastering, ug ang pagtaod usab sa firestopping (depensa para sa sunog) diha sa mga bungbong.