Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa video

Mga Saksi ni Jehova

Cebuano

Warwick Photo Gallery 4 (Mayo Hangtod sa Agosto 2015)

Warwick Photo Gallery 4 (Mayo Hangtod sa Agosto 2015)

Atong makita niini nga photo gallery ang kaugmaran sa trabaho didto sa bag-ong headquarters sa mga Saksi ni Jehova ug kon sa unsang paagi gisuportaran sa mga boluntaryo ang konstruksiyon gikan sa Mayo hangtod sa Agosto 2015.

Drowing sa nahuman nga mga bilding sa Warwick. Clockwise gikan sa ibabaw nga wala:

  1. Vehicle Maintenance Building

  2. Visitor Parking

  3. Maintenance Building/Resident Parking

  4. Residence B

  5. Residence D

  6. Residence C

  7. Residence A

  8. Offices/Services Building

Mayo 6, 2015—Warwick site

Nagplastar sa screening device ngadto sa Sterling Forest Lake (Blue Lake). Tungod niini nga himan, mababagan ang dagkong mga bato diha sa gawsanan sa tubig sa lanaw.

Mayo 6, 2015—Maintenance Building/Resident Parking

Ang structural team naggamit ug “shotcrete” sa pagpalitada sa mga ali sa atop sa Maintenance Building. Mas paspas ang “shotcrete” kay sa mano-mano nga pagpalitadag semento.

Mayo 15, 2015—Warwick site

Letratista sa Documentation Department nanguhag hulagway sa konstruksiyon. Tan-awon sa Nagamandong Lawas kining mga hulagway aron ilang makita ang kaugmaran sa proyekto.

Mayo 30, 2015—Tuxedo complex

Duha ka boluntaryo gikan sa southern California miabot aron motrabaho sa Plumbing Department. Apil sila sa ginatos ka boluntaryong nangabot nianang adlawa sa Tuxedo, diin dinhi magsugod ang proseso sa konstruksiyon sa Warwick. Niadtong Agosto 1, 2015, dunay 707 ka bag-ong boluntaryo nga nangabot para sa konstruksiyon, ug kini ang kinadaghanang boluntaryo sa usa lang ka adlaw.

Hunyo 9, 2015—Residence B

Ang mga kontraktor naggamit ug crane sa pagplastar sa mga bungbong. Ang Residence B mao ang kataposang puy-anang bilding nga gibungbongan.

Hunyo 16, 2015—Residence C ug D

Tulay nga nagkonektar sa Residence C ug D giplastar sa mga kontraktor.

Hunyo 25, 2015—Residence C

Mga landscaper nagplastar ug mga balili sa kasadpang bahin sa Warwick site.

Hulyo 2, 2015—Warwick site

Mga structural crew nag-ayo sa pangunang spillway, o awasanag tubig, duol sa dam. Kini nga spillway gitukod mga 1950 pa. Mas kusog na ang mga bagyo karon ug mas daghang tubig ang ibundak sa ulan. Busa ang pag-ayo niini nga spillway makapanalipod sa Warwick site ug sa ubang mga propidad sa duol nga dili madaot kon magbaha.

Hulyo 15, 2015—Residence A

Aron dili maghuot diha sa construction site, ang mga trabaho sa sulod sa mga bilding, sama sa pagpamintal ug pagbutag insulation sa mga tubo, ginahimo magabii. Dihang gisugdan na ang trabaho sa ikaduhang grupo sa mga boluntaryo, ginatos ang giasayn sa pagtrabaho sugod sa 3:00 p.m. hangtod sa 2:00 a.m.

Hulyo 20, 2015—Residence D

Membro sa HVAC nagbansay sa kaubang boluntaryo kon unsaon pagbutag insulation sa mga tubo.

Hulyo 21, 2015—Residence B

Gipintalan ang tulay nga nagkonektar sa Residence B ug sa Maintenance Building.

Hulyo 27, 2015—Tuxedo complex

Sa likod nga parkinganan, ang mga boluntaryo nagpaabot sa ilang sakyanan paingon sa Warwick. Dagkong mga bus ang maghatod-kuha nila sa construction site.

Hulyo 27, 2015—Tuxedo complex

Tulo ka boluntaryo sa Warwick gitupihan. Sa mga barber shop sa Tuxedo, Warwick, ug sa bodega sa Montgomery, kapig 400 ang matupihan kada semana.

Agosto 3, 2015—Warwick site

Diha sa geothermal field, giplastar ang mga porma aron buhosag semento. Pinaagi sa 120 ka atabay nga mga 150 metros ka lawom, ikatagana niini nga sistema ang dugang kainit panahon sa tingtugnaw ug kabugnaw panahon sa ting-init. Tungod sa geothermal energy, mamenosan ang gastos ug dili usab kini makahatag ug dakong kadaot sa kalikopan diin gitukod ang mga bilding.

Agosto 7, 2015—Montgomery, New York

Dinhi ipondo ang materyales nga napalit ug asembolon para sa espesipikong trabaho sa Warwick site.

Agosto 14, 2015—Tuxedo Park, New York

Duha ka boluntaryo sa Warwick (ikaduha ug ikatulo gikan sa tuo) nangaon uban sa lokal nga pamilya. Sama nila, daghang pamilyang mga Saksi ni Jehova ang nagpapuyo ug mga boluntaryo sa ilang mga balay.

Agosto 17, 2015—Maintenance Building/Resident Parking

Boluntaryo nga nagsusi sa mga elevation grade gamit ang awtomatikong lebel.

Agosto 20, 2015—Offices/Services Building

Nahuman ang pagplastar sa mga bentana sa main lobby, diin dinhi mangabot ang mga bisita nga mag-tour.

Agosto 26, 2015—Warwick site

Gikan sa Mayo hangtod sa Agosto, nahuman ang pagplastar sa mga bungbong ug mga atop sa Residence B, ang kataposang gitrabaho nga puy-anang bilding. Naplastar na sab ang mga tulay nga nagkonektar sa mga bilding, ug gitrabaho na sab ang landscaping.

Pagkat-og Dugang

Unsang Matanga sa mga Tawo ang mga Saksi ni Jehova?

May kaila ka ba nga Saksi ni Jehova? Unsay imong nahibaloan bahin namo?