Laktaw ngadto sa video

Laktaw ngadto sa secondary menu

Mga Saksi ni Jehova

Cebuano

Warwick Photo Gallery 1 (Mayo Hangtod sa Agosto 2014)

Warwick Photo Gallery 1 (Mayo Hangtod sa Agosto 2014)

Gitukod sa mga Saksi ni Jehova ang ilang umaabot nga world headquarters sa Warwick, New York. Gikan sa Mayo hangtod sa Agosto 2014, ang mga boluntaryo sa konstruksiyon daghan kaayog nahimo diha sa Vehicle Maintenance Building, sa Administration Offices/Services Building, ug sa Residence C ug D. Atong makita niini nga photo gallery ang pipila ka trabaho nianang yugtoa sa konstruksiyon..

Drowing sa nahuman nga mga bilding sa Warwick complex. Clockwise gikan sa ibabaw nga wala:

  1. Vehicle Maintenance Building

  2. Visitor Parking Building

  3. Maintenance Building/Resident Parking

  4. Residence B

  5. Residence D

  6. Residence C

  7. Residence A

  8. Administration Offices/Services Building

Mayo 1, 2014—Warwick site

Malantaw gikan sa habagatan-kasadpang (southwest) bahin, nga nagtan-aw Sterling Forest Lake (Blue Lake). Sa atubangan, gitrabaho ang basement sa Residence D. Duol sa lanaw, giandam ang sementong mga bungbong para sa Residence C.

Mayo 14, 2014—Off-site prefabrication center

Giasembol sa mga boluntaryo ang prefabricated o human-daan nga kasilyas, gitawag ug “pod,” para sa mga puy-anan. Ang “pod” naglakip sa framing, wallboard, rough plumbing ug electrical, ventilation, ug bathtub enclosure. Makompleto na ang kasilyas human mainstalar ang “pod” sa bilding.

Mayo 22, 2014—Vehicle Maintenance Building

Mga plumber nagtrabaho sa basement. Panahon sa konstruksiyon, kini nga seksiyon ang kan-anan sa mga 500 ka boluntaryo, ug ang ubang dapit sa bilding mahimong kan-anan sa mga 300 pa ka boluntaryo. Sa hapit nang mahuman ang konstruksiyon, kining temporaryong mga kan-anan himoong maintenance shop sa mga sakyanan.

Hunyo 2, 2014—Vehicle Maintenance Building

Grupo sa mga boluntaryo naglatad sa espesyal nga pagkatimplang yuta para sa atop, gitawag ug “green roofs.” Ang green roofs, nga may mga tanom, makatabang sa kalikopan (environment) kay mamenosan niini ang panginahanglan sa enerhiya, mamenosan ang pagbaha, ug magsala sa mga hugaw sa ulan.

Hunyo 5, 2014—Administration Offices/Services Building

Kini nga seksiyon adunay tulo ka bilding nga gitapo nga may total nga gilapdong 42,000 metro kuwadrado nga floor space. Mga kontraktor sa gawas ang nagplastar sa mga kabilya para sa mga poste.

Hunyo 18, 2014—Vehicle Maintenance Building

Mga boluntaryo naggamit ug propane torch sa pagtaod sa aspalto nga atop. Duna silay mga safety harness aron dili sila mahulog.

Hunyo 24, 2014—Residence C

Giinstalar ang prefabricated ductwork ug mga gamit sa HVAC. Mga babaye ang duolan sa 35 porsiyento sa mga Saksi nga nagtrabaho sa Warwick.

Hulyo 11, 2014—Montgomery, New York

Kini nga bilding, nga gigamit isip bodega ug prefabrication center, napalit niadtong Pebrero 2014 sa pagsuportar sa proyekto. Kini may 20,000 metro kuwadrado nga interior space. Ang puting mga kahon sa ibabaw nga tuo maoy prefabricated nga mga kasilyas nga andam nang ipadala.

Hulyo 24, 2014—Residence C

Gipakita dinhi ang amihanan-silangan (northeast) nga bahin sa bilding. Kini maoy puy-anan sa mga 200 ka membro sa headquarters staff. Kadaghanan sa mga kuwarto may gidak-on nga 30 ngadto sa 55 ka metro kuwadrado ug dunay kosina, kasilyas, gamayng balkonahe.

Hulyo 25, 2014—Maintenance Building/Resident Parking

Nag-andam sa luna para sa konstruksiyon. Sa ibabaw nga wala, gidugmok sa rock crusher ang dagkong bato nga gamiton sa proyekto. Inigkahuman sa proyekto, mga 260,000 metro kubiko nga yuta ang mahabwa gikan sa Warwick site. Mga 23 ka dekarga ang gigamit kada adlaw.

Hulyo 30, 2014—Vehicle Maintenance Building

Gitamnan ang atop.

Agosto 8, 2014—Warwick site

Hulagway nga kuha gikan sa boom sa dakong crane, nga nagpakita sa habagatan-kasadpan (southwest) ibabaw sa office building. Makita sa ubos nga wala ang nahuman nga Visitor Parking Building, nga kada adlaw mapunog sakyanan sa mga boluntaryo. Ang ubang mga Saksi nagbiyaheg mga 12 oras sa pagpaingon lang sa Warwick aron makaboluntaryog tulo o upat ka adlaw sa konstruksiyon.

Agosto 13, 2014—Vehicle Maintenance Building

Hapit nang mahuman ang temporaryong kan-anan. Ang mga video monitor (wala pa mainstalar) ug mga speaker sa kisame ikonektar sa United States branch office para sa morning worship ug ubang espirituwal nga mga programa.

Agosto 14, 2014—Administration Offices/Services Building

Pagsemento sa unang andana. Sa tuo, ang boluntaryo naggamit ug concrete vibrator aron maayong pagkasagol ang semento ug lig-ong pagkaplastar.

Agosto 14, 2014—Administration Offices/Services Building

Electrical conduit o agianan sa koryente nga giplastar sa sentro sa bilding, andam nang tabonan ug basement slab.

Agosto 14, 2014—Administration Offices/Services Building

Pagsemento sa unang andana hapit nang mahuman. Kini ang kinadak-ang pagsemento sa proyekto sa Warwick hangtod niining tungora, nga nagkobre ug 540 metro kubiko nga luna. Ang semento giandam sa duol nga planta, ug gihatod pinaagig walo ka trak nga mixer ug duha ka concrete pumps, ug ibuhos ang semento sulod sa 5 1/2 ka oras. Sa tungang bahin sa hulagway makita ang usa sa mga stair tower sa bilding.

Agosto 14, 2014—Residence C

Pagtaod sa ali sa atop. Sa unahan, gisugdan ang pagtukod sa basement sa Residence A.

Agosto 15, 2014—Residence C

Ang prefabricated nga kasilyas gipasakag crane ngadto sa ikatulong andana. Daghang prefabricated nga mga butang ang gigamit sa proyekto sa Warwick, aron dili maghuot ang lugar ug paspas ang konstruksiyon.

Agosto 20, 2014—Residence C

Giinstalar sa mga kontraktor ang giporma-daan nga sementong mga bungbong. May kolor na ang semento, busa dili na pintalan ang mga bungbong ug gamay rang maintenance ang gikinahanglan. Dali ra kining itaod busa makatabang kini nga mahuman ang konstruksiyon sa gitakdang panahon.

Agosto 31, 2014—Warwick site

Malantaw gikan sa habagatan-kasadpan (southwest). Sa atubangan, giplastar ang mga porma para sa gitrabaho nga sunod andana sa Residence D; luyo niini, ang Residence C hapit nang mahuman.