Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa video

Mga Saksi ni Jehova

Cebuano

Warwick Photo Gallery 2 (Septiyembre Hangtod sa Disyembre 2014)

Warwick Photo Gallery 2 (Septiyembre Hangtod sa Disyembre 2014)

Niini nga album, imong makita ang kalamboan sa pagtukod sa bag-ong hedkuwarter sa mga Saksi ni Jehova gikan sa Septiyembre hangtod sa Disyembre 2014.

Ingon ani ang hitsura kon mahuman na ang Warwick complex. Clockwise.

  1. Vehicle Maintenance Building

  2. Visitor Parking

  3. Maintenance Building/Resident Parking

  4. Residence B

  5. Residence D

  6. Residence C

  7. Residence A

  8. Offices/Services Building

Septiyembre 11, 2014—Visitor Parking

Paghimo daan sa mga trusses sa atop sa Residence C ginamit ang steel stud.

Septiyembre 18, 2014—Warwick site

Mao kini ang imong makita kon motan-aw ka paamihanan atbang sa Sterling Forest Lake (Blue Lake). Trese ka crane ang dungan nga gigamit. Sa atubangan, gibuhos ang semento para sa pundasyon sa Residence B ug kini gipinisingan.

Septiyembre 26, 2014—Offices/Services Building

Ang mga puthaw nga sagbayan ug haligi andam nang itaod. Tungod sa maayong pagkadisenyo sa puthaw nga mga sagbayan ug haligi nga gigamit sa Offices/Services Building, dako ug luag ang salog sa bilding ug mas dali mahuman ang pagtukod.

Oktubre 9, 2014—Warwick site

Gitaod sa mga trabahante ang hinimo daan nga trusses sa atop, nga gihanigan ug sin ug gibutangan ug haklap ingong proteksiyon sa tubig, aron maporma ang katibuk-ang atop sa Residence C. Sa likod, dapit sa wala, gitaod ang katungang bahin sa atop.

Oktubre 15, 2014—Offices/Services Building

Gitaod sa mga kontraktor ang puthaw nga mga sagbayan sa usa ka bahin sa bilding. Dinhi ibutang ang kosina, kan-anan, labhanan, ug ubang departamento.

Oktubre 15, 2014—Warwick site

Gitunolan ug brush ang usa ka trabahante nga nagtrabaho sa manhole.

Oktubre 20, 2014—Warwick site

Gigama ang usa ka modelo nga bungbong aron matino ang aktuwal nga hitsura sa pagkadugtong sa bricks, kolor sa minasa, ug bricks nga gamiton. Mao usab kini ang sundogon sa bag-ong mga mason. Dinhi, ang bungbong giguba na.

Oktubre 31, 2014—Residence C

Gialsa sa crane ang ginama daan nga katungang bahin sa atop. Tungod sa bungbong nga gitaod sa kilid sa matag atop sa residence building, mas nindot ang hitsura sa bilding kon tan-awon sa layo.

Nobyembre 7, 2014—Maintenance Building/Resident Parking

Gitunton ang 95,000 ka litro (25,000 gal) nga tangke sa krudo nga gamiton sa pagpainit sa boiler.

Nobyembre 12, 2014—Residence C

Sa kilid sa bilding, makita ug diyutay sa hulagway ang Blue Lake. Lainlaing kolor ug klase sa palitada ang gigamit aron mas monindot tan-awon ang bilding.

Nobyembre 21, 2014—Maintenance Building/Resident Parking

Ang magtiayon nga naasayn sa plumbing nagtaod ug mga tubo sa dili pa ibuhos ang semento sa salog.

Nobyembre 28, 2014—Offices/Services Building

Gitangtang ang snow sa atop gamit ang pala ug blower.

Disyembre 1, 2014—Maintenance Building/Resident Parking

Magtiayon nga nagkonsulta sa plano para sa plumbing.

Disyembre 10, 2014—Maintenance Building/Resident Parking

Bisag nag-snow, gipadayon gihapon ang pagkalot, pagtaod sa mga buhosanan, ug ang pagbuhos ug semento. Sa ibabaw nga walang bahin sa hulagway, ang ubang parte sa Offices/Services Building giputos ug plastik nga trapal aron makontrolar ang kabugnaw sa temperatura, makabuhos gihapon ug semento, ug makataod ug materyales ingong proteksiyon sa sunog.

Disyembre 12, 2014—Residence D

Ang mga trabahante nagbutang ug haklap sa mga haligi ug salog ingong proteksiyon sa umog sa dili pa itaod ang mga bungbong.

Disyembre 15, 2014—Warwick site

Aerial view sa kasadpang bahin. Ang mga residence building makita diha sa ibabawng bahin niini nga hulagway. Ang dakong bilding nga puti dapit sa tunga mao ang Offices/Services Building. Ang gigamit nga luna sa konstruksiyon wala ray 20 porsiyento sa gibanabanang 100 ka ektarya nga katibuk-ang gidak-on sa propidad, ug tungod niini napreserbar ang kasikbit nga kalasangan.

Disyembre 15, 2014—Warwick site

Aerial view sa sidlakang bahin. Ang mga bilding sa Residence C ug D makita duol sa ubos nga bahin niini nga hulagway. Sa Residence C, gitaod sa mga kontraktor ang sin aron mahuman ang atop.

Disyembre 25, 2014—Residence C

Gihaklap sa karpentero ang laminado nga salog dinhi niini nga modelo nga kuwarto. Sa matag kuwarto sa residence building, usa sa upat ka pinili daan nga modelo ang gamiton. Lakip niini ang kolor sa pintal, karpet, laminado nga salog, tayls, ug mga kabinet.

Disyembre 31, 2014—Offices/Services Building

Gimanomano pagpalitada ang semento sa salog aron kini dunay hustong inklinasyon paingon sa drainage.

Disyembre 31, 2014—Residence C

Usa ka 77-anyos nga teknisyan nagtaod sa fiber-optic nga kable. Kon matapos na kini, mga 32 kilometros niini nga kable ang mataod.

Pagkat-og Dugang

Unsa ang Bethel?

Ang Bethel maoy usa ka espesyal nga dapit nga may hinungdanon kaayong katuyoan. Unsay mga kalihokan dinhi?