Laktaw ngadto sa video

Philippines Photo Gallery 2 (Hunyo 2015 Hangtod Hunyo 2016)

Philippines Photo Gallery 2 (Hunyo 2015 Hangtod Hunyo 2016)

Nahuman sa mga Saksi ni Jehova sa Pilipinas ang major renovation sa ilang mga pasilidad sa sangang buhatan sa Quezon City. Niini nga photo gallery, tan-awa ang dagan sa trabaho ug ang pagsuportar sa mga boluntaryo gikan sa Hunyo 2015 hangtod Hunyo 2016. Human sa pipila ka bulan, ang gi-renovate nga mga bilding andam nang gamiton, ug kini gidedikar niadtong Pebrero 2017.

Drowing sa nahuman nga sangang buhatan sa Pilipinas. Lakip sa mga bilding nga gitukod o gi-renovate mao ang:

  • Building 4 (Residence)

  • Building 5 (Audio/Video, Service Department)

  • Building 6 (Landscaping, Vehicle Repair, Welding)

  • Building 7 (Computer, Local Design/Construction, Maintenance, Shipping, Translation)

Hunyo 15, 2015​—Quezon City site

Giandam sa concrete team ang porma para sa agianan nga magkonektar sa Building 1, 5, ug 7.

Hunyo 15, 2015​—Building 5

Sa wala pa sugdi ang proyekto, gisusi sa mga panday ang mga drowing nga gihimo sa Regional Design/Construction Department–Asia/Pacific. Sa Marso 2016, kini nga departamento gibalhin gikan sa Australia ngadto sa sangang buhatan sa Pilipinas.

Hunyo 23, 2015​—Quezon City site

Gibungkag sa excavator ang sementadong agianan aron makahimog kanalkanal. Iplastar diha sa mga kanalkanal ang bag-ong mga tubo sa bugnawng tubig para sa centralized nga air-conditioning system.

Hulyo 20, 2015​—Quezon City site

Magtiayon gikan sa United States nag-andam sa pag-welding sa mga gunitanan para sa agianan.

Hulyo 20, 2015​—Quezon City site

Mga boluntaryo naglubong ug mga tubo sa bugnawng tubig sa tunga sa Building 4 ug 5.

Septiyembre 18, 2015​—Building 5

Panday naggamit ug gun tacker sa pagtaod ug kurdiso.

Septiyembre 18, 2015​—Building 5

Boluntaryo nga nagtaod ug carpet tiles. Ang tibuok ikaduhang andana sa Building 5, nga pangunang gigamit sa Audio/Video Department, gibutangag carpet aron mamenosan ang kabanha.

Oktubre 22, 2015​—Building 5

Mga tigpintura naggamit ug heat-reflective paint sa gawas nga bahin sa office building. Ipabanda niini nga pintura ang kainit sa adlaw, mao nga mamentinar ang kabugnaw sulod sa bilding ug mamenosan ang konsumo sa koryente.

Pebrero 10, 2016​—Building 4

Boluntaryo nga nagtangtang sa porma sa pader. Ang Building 4, nga duha ka andana, maoy puy-anan sa mga estudyante sa lainlaing eskuylahan sa Bibliya.

Pebrero 10, 2016​—Building 4

Membro sa heating, ventilation, ug air-conditioning team nag-insulate sa mga tubo sa bugnawng tubig. Ang pag-insulate makatabang aron epektibo ang sistema sa bugnawng tubig ug mamenosan ang umog sa mga tubo.

Pebrero 16, 2016​—Building 4

Teknisyan gikan sa Australia nagtesting sa usa sa mga circuit breaker sa electrical switch cabinet. Kapig 100 ka hanas nga boluntaryo gikan sa ubang nasod ang giimbitar para sa renovation project.