Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa video

Mga Saksi ni Jehova

Cebuano

Nakatukod nag 1,000 ka Kingdom Hall ug Magtukod Pa

Nakatukod nag 1,000 ka Kingdom Hall ug Magtukod Pa

Pagka-Agosto 2013, ang mga Saksi ni Jehova sa Pilipinas nakatukod nag 1,000 ka Kingdom Hall pinaagi sa talagsaong programa sa pagpanukod. Sama sa ubang nasod, ang mga kongregasyon sa Pilipinas sagad walay kasinatian ug ikagasto sa pagtukod ug kaugalingong Kingdom Hall, busa nagkinahanglan silag tabang. Sa daghang katuigan, ang uban magtigom diha sa pribadong mga balay, o diha sa gagmayng mga tinukod nga gama sa kawayan.

Nagauswag ang gidaghanon sa mga Saksi ni Jehova sa Pilipinas ug sa ubang nasod mao nga gikinahanglan ang dugang Kingdom Hall. Busa sa 1999, ang Nagamandong Lawas sa mga Saksi ni Jehova naghimog programa para sa pagpanukod ug mga Kingdom Hall sa dili datong mga nasod. Niini nga kahikayan, ang lokal nga mga Saksi moamot kutob sa maarangan, ug ang gidonar sa ubang mga nasod idugang sa maong kantidad. Ang gibansay nga mga boluntaryo sa pagpanukod gigrupo-grupo aron tabangan ang mga kongregasyon sa pagtukod sa ilang Kingdom Hall. Sa Nobyembre 2001, kining internasyonal nga programa nakaabot sa Pilipinas.

Membro si Iluminado sa kongregasyon sa Marilao, Bulacan, diin gitukod ang ika-1,000 nga Kingdom Hall. Siya miingon: “Naeksperyensiyahan gyod nako ang Kristohanong panag-igsoonay. Daghan kaayo ang miboluntaryo—mga lalaki ug babaye, batan-on ug tigulang. Nagtrabaho mi bisag puwerteng inita. Bisag gikapoy mi human sa tibuok adlaw nga trabaho, nalipay kaayo mi sa among nalampos.”

Bisan ang mga dili Saksi nakadayeg sab sa kakugi sa mga boluntaryo. Ang tag-iya sa trak dekarga nga naghatod ug balas ug graba ngadto sa gitukod nga Kingdom Hall miingon: “Pagkadaghan ninyo, mora mog mga hulmigas! Tanan nagtrabaho. Wa pa ko kakitag sama ini.”

Nahuman nga Kingdom Hall

Nahuman ang pagtukod sa bilding wala ray unom ka semana sukad gisugdan kini pagpatindog. Kay daling nahuman ang Kingdom Hall, ang mga membro sa kongregasyon padayong nakapakigbahin sa importante kaayong buluhaton—ang pagsangyaw sa maayong balita sa Gingharian.—Mateo 24:14.

Si Ellen, laing membro sa lokal nga kongregasyon, miingon: “Dili na mi paigo sa karaan namong Kingdom Hall. Daghan ang tua na manglingkod sa gawas. Mas nindot ug mas komportable ang bag-ong Kingdom Hall, busa mas makabenepisyo gyod ang tanan sa instruksiyon ug pagdasig gikan sa among mga tigom.”

Pagkat-og Dugang

Sila Kinabubut-ong Nagtanyag sa Ilang Kaugalingon sa Pilipinas

Sayra kon unsay nagtukmod sa uban nga moundang sa ilang trabaho, ibaligya ang ilang mga kabtangan, ug mobalhin sa hilit nga mga dapit sa Pilipinas.