Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa video

Mga Saksi ni Jehova

Cebuano

Madaladala nga Librarya

Madaladala nga Librarya

Niadtong Oktubre 7, 2013, ang mga Saksi ni Jehova nag-release ug mobile device app para sa pagbasa ug pagtuon sa Bibliya—ang JW Library. Kining libre nga Bible app dunay unom ka Iningles nga hubad sa Bibliya. Lakip niini ang King James Version ug ang 2013 nga rebisyon sa New World Translation of the Holy Scriptures. *

Nganong Gihimo Kini?

Minilyong tawo na ang dunay smartphone, tablet, o susamang mga butang nga gigamit para sa trabaho ug komunikasyon. Sila makabasa ug maka-download nag Bibliya ug uban pang basahon nga binase sa Bibliya diha sa jw.org. Pero nganong gihimo pa man ang JW Library?

Una, dili na kinahanglag koneksiyon sa Internet kon na-install na kini nga app. Ikaduha, ang mogamit niini dali rang makakitag mga teksto ug makatuon pag-ayo sa Bibliya. Sa unsang paagi?

Ang JW Library Makatabang sa Pagtuon sa Bibliya

Inig-abli nimo sa JW Library, makita nimo ang mga basahon sa Bibliya. Kon mopili kag basahon sa Bibliya, makita sa sunod screen ang listahan sa mga kapitulo sa maong basahon. Human niini, makita dayon nimo ang mga bersikulo. Duna pay daghang bahin kini nga app para sa pagtuon sa Bibliya:

  • Mga footnote nga nagpakita sa laing hubad sa mga termino ug uban pang impormasyon

  • Mga cross reference nga may koneksiyon sa mga bersikulo sa Bibliya

  • May search feature aron makita ang tanang paglutaw sa samang mga pulong

  • May mubong sumaryo diha sa matag sinugdanan sa basahon sa Bibliya

  • Chart nga nagpakita sa magsusulat sa matag basahon sa Bibliya, kon diin ug kanus-a kini gisulat, ug sa gidugayon nga gisulat kini

  • Dekolor nga seksiyon sa mga mapa, chart, time line, ug diagram

Sama sa tanang publikasyon sa mga Saksi ni Jehova, ang JW Library libre. Kining libre nga Bible app, nga gisuportahan ug boluntaryong mga amot, na-download na sa kapig usa ka milyong beses. (2 Corinto 9:7) Sulayig download kini ug tan-awa ang mga kaayohan niining madaladalang librarya.

^ par. 2 Niadtong Enero 2014, gi-update kini nga app. Kini aduna nay adlaw-adlaw nga teksto sa Bibliya ug songbok nga gigamit sa mga Saksi ni Jehova.

Pagkat-og Dugang

Nganong Tun-an ang Bibliya?

Ang Bibliya nagtabang sa minilyong tawo sa tibuok kalibotan nga masayran ang tubag sa dagkong pangutana bahin sa kinabuhi. Gusto ba sab nimong masayran kini?