Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa video

Mga Saksi ni Jehova

Cebuano

Ang JW.ORG Mabasa na Karon sa Kapig 300 ka Pinulongan!

Ang JW.ORG Mabasa na Karon sa Kapig 300 ka Pinulongan!

Kon imong i-click ang listahan sa pinulongan sa jw.org, kini may kapin sa 300 ka pinulongan—gidaghanon nga dili nimo makita sa bisan unsang website!

Komosta ang ubang iladong mga website? Tagda kini: Sa Hulyo 2013, ang website sa United Nations mabasa diha sa unom ka pinulongan. Ang Europa, nga maoy opisyal nga website sa European Union, mabasa diha sa 24 ka pinulongan. Ang Google anaa sa 71 ka pinulongan, samtang ang Wikipedia anaa sa 287 ka pinulongan.

Daghang oras ang gikinahanglan sa paghubad ug website ngadto sa kapig 300 ka pinulongan! Kadaghanan sa nagtrabaho niini maoy gatosan ka Saksi ni Jehova sa lainlaing bahin sa kalibotan nga gustong pasidunggan si Jehova. Sila giorganisar ingong mga team, nga naggamit sa ilang katakos sa paghubad sa Iningles ngadto sa ilang pinulongan.

Ang JW.ORG dunay daghang panid sa impormasyon nga gihubad sa kapig 300 ka pinulongan. Busa daghan kaayog panid ang maong website—kapin sa 200,000!

Ang JW.ORG dili lang mabasa sa daghan kondili popular usab. Makita kana sa ranking sa mga website nga gihimo sa Alexa, usa ka kompaniya nga nagmonitor sa gidaghanon sa mogamit ug Internet sa tibuok kalibotan. Ang kategoriya niini nga “Relihiyon ug Espirituwalidad” dunay mga 87,000 ka website. Apil niana ang dagkong relihiyon sa kalibotan, mga magpapatik sa relihiyosong mga publikasyon, ug ubang relihiyosong organisasyon. Niana nga listahan niadtong Hulyo 2013, ang jw.org ikaduha sa ranking! Ang nanguna sa listahan maoy komersiyal nga website nga naghatag ug online access sa lainlaing hubad sa Bibliya.

Sa Oktubre 2013, kapin sa 890,000 ang moabli sa jw.org kada adlaw. Kami padayong magtaganag praktikal nga impormasyon gikan sa Bibliya nga libreng mabatonan sa mga tawo sa tibuok kalibotan.

Pagkat-og Dugang

Sa Unsang Paagi Gisulat ug Gihubad ang Literatura sa mga Saksi ni Jehova?

Kami nagpatik ug literatura sa kapig 600 ka pinulongan. Nganong naghago mi sa paghimo niini?