Laktaw ngadto sa video

Laktaw ngadto sa secondary menu

Mga Saksi ni Jehova

Cebuano

Unsa ang Pagtuon sa Bibliya?

Unsa ang Pagtuon sa Bibliya?

Ang mga Saksi ni Jehova nagtanyag ug pagtuon sa Bibliya nga magtubag sa daghang pangutana, lakip sa:

  • Kinsa ang Diyos?

  • May pagtagad ba gayod ang Diyos kanako?

  • Sa unsang paagi akong mapauswag ang akong kaminyoon?

  • Sa unsang paagi magmalipayon ang akong kinabuhi?

Sa ubos imong makita ang tubag sa kasagarang mga pangutana bahin sa among programa sa pagtuon sa Bibliya.

Unsay paagi sa pagtuon? Atong hisgotan ang mga ulohan sama sa “Diyos” o “kaminyoon” ug susihon ang lainlaing teksto sa Bibliya nga nalangkit sa maong ulohan. Pinaagi sa pagtandi sa mga teksto, atong masabtan kon unsa gayoy gisulti sa Bibliya bahin sa maong ulohan.

Aron matabangan kita sa pagtuon sa Bibliya, atong gamiton ang librong Unsay Tinuod nga Gitudlo sa Bibliya? Kini magpatin-aw kon unsa gayoy gitudlo sa Bibliya bahin sa Diyos, kang Jesus, sa atong kaugmaon, ug sa uban pang mga ulohan.

Pilay bayad sa pagtuon sa Bibliya? Libre kini, ingon man ang mga basahon nga tun-an.

Unsa ka dugay ang matag pagtuon? Daghang tawo naggahin ug usa ka oras o kapin pa kada semana sa pagtuon sa Bibliya uban kanamo. Apan mahimong ipahaom ang gidugayon sa pagtuon depende sa imong eskedyul.

Unsay akong madahom kon mohangyo kog pagtuon sa Bibliya? Kon mohangyo kag pagtuon sa Bibliya, dunay Saksi ni Jehova nga moduaw kanimo sa oras ug dapit nga kombenyente kanimo. Ipakita niya kanimo sa pipila ka minutos ang among programa sa pagtuon. Kon makauyon ka, mahimo nimo kining ipadayon.

Kon modawat kog pagtuon sa Bibliya, obligado ba ko nga mahimong Saksi ni Jehova? Dili. Gusto namong tudloan ang mga tawo bahin sa Bibliya, apan dili namo pugson si bisan kinsa nga magpamembro sa among relihiyon. Hinuon, matinahoron namong ipakita kon unsay gitudlo sa Bibliya, kay among giila nga ang matag usa may katungod sa pagpili kon unsay iyang tuohan.—1 Pedro 3:15.

 

Pagkat-og Dugang

PROGRAMA SA PAGTUON SA BIBLIYA

Nganong Tun-an ang Bibliya?

Ang Bibliya nagtabang sa minilyong tawo sa tibuok kalibotan nga masayran ang tubag sa dagkong pangutana bahin sa kinabuhi. Gusto ba sab nimong masayran kini?

PROGRAMA SA PAGTUON SA BIBLIYA

Sa Unsang Paagi Ginahimo ang Bible Study?

Sa tibuok kalibotan, ang mga Saksi ni Jehova nailhan sa ilang pagtanyag ug libreng pagtuon sa Bibliya. Tan-awa kon sa unsang paagi nila kini ginahimo.

Bahin sa mga Saksi ni Jehova

Hangyo ug Pagtuon sa Bibliya

Libreng pagtuon sa Bibliya sa kombenyente nimong oras ug lugar.