Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa video

Mga Saksi ni Jehova

Cebuano

Ang mga Saksi ni Jehova ba Namungkag ug mga Pamilya o Nagpalig-on Niini?

Ang mga Saksi ni Jehova ba Namungkag ug mga Pamilya o Nagpalig-on Niini?

Kaming mga Saksi ni Jehova nagpalig-on ug mga pamilya, dili lang ang amoa kondili ang pamilya sab sa uban. Among gitahod ang Diyos ingong Tagmugna sa kahikayan sa pamilya. (Genesis 2:21-24; Efeso 3:14, 15) Sa Bibliya, siya nagtudlog mga prinsipyo nga nakatabang sa mga tawo sa tibuok kalibotan sa pagbatog lig-on ug malipayong kaminyoon.

Giunsa Pagpalig-on sa mga Saksi ni Jehova ang mga Pamilya?

Kami naningkamot sa pagsunod sa tambag sa Bibliya kay kini makatabang namo nga mahimong mas maayong bana, asawa, ug ginikanan. (Proverbio 31:10-31; Efeso 5:22–6:4; 1 Timoteo 5:8) Ang kaalam diha sa Bibliya makatabang sab sa mga pamilya bisag ang mga membro magkalahig relihiyon. (1 Pedro 3:1, 2) Tagda ang giingon sa pipila ka dili Saksi dihang ang ilang kapikas nahimong Saksi ni Jehova:

  • “Sa among unang unom ka tuig, pirme ming mag-away ug maglagot sa usag usa. Pero dihang si Ivete nahimong Saksi ni Jehova, mas mahigugmaon na siya ug mapailobon. Tungod sa mga kausaban nga iyang gihimo, nasalbar ang among kaminyoon.”—Clauir, sa Brazil.

  • “Supak kaayo ko dihang nag-Bible study ang akong bana, si Chansa, uban sa mga Saksi ni Jehova. Nagtuo man god ko nga makabungkag silag pamilya. Pero akong nakita nga nakatabang hinuon ang Bibliya sa among panagtiayon.”—Agness, sa Zambia.

Sa among ministeryo, among gipakita sa uban kon sa unsang paagi ang pagpadapat sa mga prinsipyo sa Bibliya makatabang nila sa

Makahatag bag problema sa panagtiayon ang pagbalhig relihiyon?

Oo, mahitabo kana usahay. Pananglitan, sumala sa 1998 nga report sa Sofres, kompaniya nga nagasurbi, 1 sa matag 20 ka magtiayon nakasinatig dagkong problema dihang na-Saksi ang ilang kapikas.

Gitagna ni Jesus nga kadtong mosunod sa iyang mga pagtulon-an makasinati usahay ug mga panagbingkil sa pamilya. (Mateo 10:32-36) Ang historyanong si Will Durant miingon nga ilalom sa Imperyo sa Roma, “ang mga Kristohanon giakusahan nga namungkag ug pamilya.” * Ug kana sab ang nahitabo sa pipila ka Saksi ni Jehova karon. Apan nagpasabot ba ni nga ang mga Saksi ang hinungdan sa pagkabungkag sa pamilya?

European Court of Human Rights

Dihang gipakanaog ang desisyon bahin sa akusasyon nga ang mga Saksi ni Jehova namungkag ug mga pamilya, ang European Court of Human Rights miingon nga sagad ang mga dili Saksi nga membro sa pamilya maoy nagpahinabog kasamok kay dili nila “dawaton ug tahoron ang kagawasan sa ilang paryente sa pagsunod sa mga pagtulon-an sa relihiyon niini.” Ang Korte midugang: “Kini nga kahimtang komon na sa mga magtiayon nga dili parehas ug relihiyon, ug ang mga Saksi ni Jehova apektado sab niana.” * Apan bisag nakasinatig diskriminasyon tungod sa ilang relihiyon, ang mga Saksi ni Jehova naningkamot sa pagsunod sa tambag sa Bibliya: “Ayaw balosi si bisan kinsa ug daotan tungod sa daotan. ... Kon mahimo, kutob sa inyong maarangan, makigdinaitay sa tanang tawo.”—Roma 12:17, 18.

Nganong ang mga Saksi ni Jehova nagtuo nga angayng magminyo lamang sa kaparehas nilag relihiyon?

Gisunod sa mga Saksi ang instruksiyon sa Bibliya nga magminyo “lamang diha sa Ginoo,” sa ato pa, magminyo lamang sa kaparehas nilag pagtuo. (1 Corinto 7:39) Kini nga sugo praktikal ug gikan sa Bibliya. Pananglitan, usa ka artikulo sa Journal of Marriage and Family sa 2010 nag-ingon nga ang “mga magtiayon nga parehas ug relihiyon, tulumanon, ug pagtuo” sagad dunay mas maayong relasyon. *

Apan ang mga Saksi wala magdasig sa ilang mga membro nga bulagan ang ilang dili Saksi nga kapikas. Ang Bibliya nag-ingon: “Kon adunay igsoon nga may asawa nga dili-magtutuo, apan uyon siya nga makigpuyo uban kaniya, ayaw siya pabiyaa kaniya; ug ang usa ka babaye nga may bana nga dili-magtutuo, apan uyon siya nga makigpuyo uban kaniya, ayaw siya pabiyaa sa iyang bana.” (1 Corinto 7:12, 13) Kini nga sugo gisunod sa mga Saksi ni Jehova.

^ par. 17 Tan-awa ang Caesar and Christ, panid 647.

^ par. 18 Tan-awa ang desisyon sa kaso sa Jehovah’s Witnesses of Moscow and Others v. Russia, panid 26-27, parapo 111.

^ par. 20 Tan-awa ang Journal of Marriage and Family, Tomo 72, Numero 4, (Agosto 2010), panid 963.

Pagkat-og Dugang

Sa Unsang Paagi Magmalipayon ang Imong Pamilya?

Gusto ni Jehova, nga malipayong Diyos, nga malipay ang mga pamilya. Susiha ang praktikal nga tambag sa Bibliya para sa mga bana, asawa, ginikanan, ug mga anak.

Kon sa Unsang Paagi Mahimo Kang Maayong Amahan

Sayra ang lima ka prinsipyo sa Bibliya nga makatabang kanimo nga mahimong mahigugmaon ug maayong amahan.