Laktaw ngadto sa video

Nganong Giusab sa mga Saksi ni Jehova ang Uban Nilang Pagtulon-an?

Nganong Giusab sa mga Saksi ni Jehova ang Uban Nilang Pagtulon-an?

Kanunay namong gigamit ang Bibliya ingong basehanan sa among pagtulon-an, busa giusab namo ang among pagtulon-an dihang mas tin-aw namong nasabtan kon unsay giingon sa Kasulatan. *

Kana nga mga kausaban subay sa prinsipyo sa Proverbio 4:18: “Ang dalan sa mga matarong ingon sa masanag nga kahayag nga nagaanam kadan-ag hangtod sa pagkahingpit sa adlaw.” Sama nga sa pagsubang sa adlaw anam-anam nga makita ang palibot, ang Diyos anam-anam pod nga nagpasabot sa kamatuoran, sa iyang gitakdang panahon. (1 Pedro 1:10-12) Ingon sa gitagna sa Bibliya, iyang gipaspasan ang pagpasabot sa kamatuoran “panahon sa kataposan.”—Daniel 12:4.

Wala mi matingala o mabalaka niini nga mga kausaban. Ang mga magsisimba usab sa Diyos kaniadto naay sayop nga mga gituohan ug gidahom nga kinahanglan nilang usbon.

  • Mga 40 ka tuig una pa sa gitakdang panahon sa Diyos, si Moises nagtuo nga panahon na nga luwason niya ang nasod sa Israel.—Buhat 7:23-25, 30, 35.

  • Ang mga apostoles wala makasabot sa tagna bahin sa kamatayon ug pagkabanhaw sa Mesiyas.—Isaias 53:8-12; Mateo 16:21-23.

  • Ang ubang Kristohanon kaniadto naay sayop nga mga ideya kon kanus-a moabot “ang adlaw ni Jehova.”—2 Tesalonica 2:1, 2.

Sa ulahi, gitul-id sa Diyos ang ilang sayop nga mga gituohan, ug nag-ampo mi nga iya sab kanang padayon nga himoon kanamo.—Santiago 1:5.

^ par. 1 Wala namo itago kini nga mga kausaban sa among pagsabot sa Bibliya. Gani, among gisulat ug gi-publish kini. Pananglitan, tan-awa ang entry nga “Beliefs Clarified” sa online nga reperensiya sa among mga publikasyon.