Laktaw ngadto sa video

Laktaw ngadto sa secondary menu

Mga Saksi ni Jehova

Cebuano

Gidili ba sa mga Saksi ni Jehova ang Pipila ka Salida, Basahon, o Awit?

Gidili ba sa mga Saksi ni Jehova ang Pipila ka Salida, Basahon, o Awit?

Wala. Ang among organisasyon wala maghimog pagsusi sa espesipikong mga salida, basahon, o awit aron itakda kon unsay angayng likayan sa among mga membro. Ngano?

Ang Bibliya nagdasig sa matag indibiduwal sa pagbansay sa iyang “mga gahom sa pagsabot” aron sa pag-ila sa maayo ug sa daotan.—Hebreohanon 5:14.

Ang Kasulatan nagtakdag paninugdang mga prinsipyo nga matimbangtimbang sa usa ka Kristohanon dihang mopilig kalingawan. * Sa tanang bahin sa kinabuhi, ang among tumong mao ang ‘pagpadayon sa pagtino kon unsa ang dalawaton sa Ginoo.’—Efeso 5:10.

Ang Bibliya nagtudlo nga ang mga ulo sa pamilya dunay usa ka sukod sa awtoridad, busa sila mahimong modesisyon nga idili sa ilang pamilya ang pipila ka matang sa kalingawan. (1 Corinto 11:3; Efeso 6:1-4) Apan, sa gawas sa pamilya walay usa nga dunay awtoridad nga idili sa mga membro sa kongregasyon ang espesipikong mga pelikula, awit, o artista.—Galacia 6:5.

^ par. 4 Pananglitan, ang Bibliya nagsaway sa bisan unsa nga nagpasiugdag espiritismo, seksuwal nga imoralidad, o kapintasan.—Deuteronomio 18:10-13; Efeso 5:3; Colosas 3:8.

 

Pagkat-og Dugang

PAGMATA!

Unsaon Nako Pagpilig Maayong Kalingawan?

Unsay angayng tagdon sa pagpilig musika, pelikula, ug libro?