Laktaw ngadto sa video

Nganong Balikan Man sa mga Saksi ni Jehova Kadtong Miingon nga “Dili Ko Interesado”?

Nganong Balikan Man sa mga Saksi ni Jehova Kadtong Miingon nga “Dili Ko Interesado”?

Kay gihigugma namong mga Saksi ni Jehova ang Diyos ug ang mga tawo, gusto gyod namong sangyawan ang tanan sa mensahe sa Bibliya. Amo pa ganing balikan bisan kadtong miingon na nga “Dili ko interesado.” (Mateo 22:37-39) Tungod sa among gugma sa Diyos, gisunod namo ang sugo sa iyang Anak nga “maghatag ug bug-os nga pamatuod.” (Buhat 10:42; 1 Juan 5:3) Aron mahimo kini, balikan gyod namo kadtong amo nang naestorya, sama sa gibuhat sa mga propeta kaniadto. (Jeremias 25:4) Ang gugma namo sa mga tawo maoy rason sa among mga paningkamot nga mahibalo ang tanan sa “maayong balita sa gingharian.” Gusto namo nga bisan kadtong dili interesado sa primero masayod niining makaluwas ug kinabuhi nga mensahe.​—Mateo 24:14.

Sagad makakita mig mga interesado dihang balikan namo ang mga balay niadtong dili interesado sa primero. Konsideraha ang tulo ka rason:

  • Magbalhinbalhin ug puyo ang mga tawo.

  • Ang ubang nagpuyo sa balay interesado sa among mensahe.

  • Mausab ang mga tawo. Tungod sa mga panghitabo sa kalibotan o kahimtang sa kinabuhi, ang uban nahimong mas “mahunahunaon sa ilang espirituwal nga panginahanglan” ug mainteres sa giingon sa Bibliya. (Mateo 5:3) Posible pod nga mausab ang hunahuna niadtong mga misupak, sama kang apostol Pablo.​—1 Timoteo 1:13.

Pero dili gyod namo pugson ang mga tawo sa pagdawat sa among mensahe. (1 Pedro 3:15) Nasayod mi nga kinahanglang ang matag usa maoy modesisyon bahin sa ilang pagsimba.—Deuteronomio 30:19, 20.