Laktaw ngadto sa video

Laktaw ngadto sa secondary menu

Mga Saksi ni Jehova

Cebuano

Ang mga Saksi ni Jehova ba Nagahatag ug Ikapulo?

Ang mga Saksi ni Jehova ba Nagahatag ug Ikapulo?

Wala, ang mga Saksi ni Jehova wala magahatag ug ikapulo; ang among buluhaton gisuportahan sa boluntaryong mga donasyon nga ang nagdonar wala magpaila. Unsa ang ikapulo, ug nganong ang mga Saksi ni Jehova wala magahatag niini?

Ang balaod sa paghatag ug ikapulo, o pag-amot ug ikapulong bahin sa mga gipanag-iya sa usa, maoy bahin sa Balaod nga gihatag sa Diyos sa karaang nasod sa Israel. Apan, gipatin-aw sa Bibliya nga kini nga balaod—lakip na ang “sugo sa pagkolekta ug ikapulo”—dili mapadapat sa mga Kristohanon.—Hebreohanon 7:5, 18; Colosas 2:13, 14.

Imbes mohatag sa gibaod nga ikapulo ug mga halad, ang mga Saksi ni Jehova nagsundog sa unang mga Kristohanon ug nagsuportar sa ilang ministeryo sa duha ka paagi: pinaagi sa pagsangyaw ug pagpanudlo nga walay bayad ug pinaagi sa paghatag ug boluntaryong mga donasyon.

Busa gisunod namo ang instruksiyon sa Bibliya alang sa mga Kristohanon: “Ipabuhat sa matag usa ang sumala sa iyang gihukom diha sa iyang kasingkasing, dili nga kontragusto o pinugos, kay gihigugma sa Diyos ang malipayong maghahatag.”—2 Corinto 9:7.