Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

ANG BANTAYANANG TORRE NUM. 1 2017

 PANGUNANG TOPIKO | DAGHAN KAG MAKAT-ONAN SA PAGBASAG BIBLIYA

Unsay Makahimo Niini nga Makapainteres?

Unsay Makahimo Niini nga Makapainteres?

Sa imong hunahuna, ang pagbasag Bibliya ba makalaay, o makalingaw? Nagdepende kini sa imong paagi sa pagbasa. Atong tan-awon kon unsay imong mahimo aron mainteres ug malingaw ka sa pagbasa.

Pagpilig kasaligang hubad nga naggamit ug komon nga mga pulong. Kon mobasa kag mga basahon nga daghan kaayog lisod sabton o dili pamilyar nga mga pulong, seguradong dili gyod ka ganahang mobasa. Busa pangitag Bibliya nga naggamit ug sayon sabtong mga pulong nga makatandog sa imong kasingkasing. Apan kinahanglang tukma gayod kining pagkahubad. *

Paggamit ug modernong teknolohiya. Karon, ang Bibliya mabatonan dili lang pinaagig inimprentang libro kondili sa elektronikong kopya usab. Ang ubang Bibliya mabasa online o ma-download diha sa computer, tablet, o cellphone. Ang ubang elektronikong hubad sa Bibliya dunay dugang nga mga tool nga imong magamit sa pagsusi sa ubang teksto sa Bibliya sa mao ra gihapong topiko o sa pagkomparar kon giunsa kini paghubad diha sa lainlaing pinulongan. Kon mas gusto kang maminaw kay sa magbasa, dunay audio recording sa Bibliya diha sa ubang pinulongan. Ang mga tawo nalingaw sa pagpaminaw niini samtang nagbiyahe, nanglaba, o dunay gitrabaho. Sulayi ang paagi nga gusto nimo.

Paggamit ug mga giya sa pagtuon sa Bibliya. Ang mga giya sa pagtuon sa Bibliya makatabang aron daghan kag makat-onan sa imong pagbasa. Dunay mga mapa sa kayutaan sa Bibliya, nga makatabang aron mahibalo ka bahin sa mga lugar nga  imong mabasa ug matuhog nimo ang mga panghitabo. Ang mga artikulo sama sa gihisgotan niining magasina o sa seksiyong “Gitudlo sa Bibliya” sa website nga jw.org/ceb, makatabang nimo sa pagsusi sa kahulogan sa daghang bahin sa Bibliya.

Lainlaina ang imong pamaagi. Kon sagubangonon kaayo para nimo ang pagbasa sa tibuok Bibliya, pukawa ang imong gana sa pagbasa pinaagi sa pagsugod diha sa seksiyon nga makapainteres nimo. Kon gusto kang mahibalo bahin sa inilang mga tawo sa Bibliya, sugdi pagbasa ang mga seksiyon sa Bibliya nga naghisgot bahin nianang tawhana. Usa ka sampol nga pamaagi ang gilakip diha sa kahon nga “ Susiha ang Bibliya Pinaagi sa Pagkahibalo Bahin sa mga Tawo Niini.” O tingali gusto nimong basahon ang Bibliya base sa topiko o sa pagkasunod-sunod sa mga panghitabo. Puwede nimong sulayan ang usa niini.

^ par. 4 Nakita sa kadaghanan nga ang Bag-ong Kalibotang Hubad sa Balaang Kasulatan tukma, kasaligan, ug sayon sabton. Kini nga Bibliya, nga giimprenta sa mga Saksi ni Jehova, mabatonan sa kapig 130 ka pinulongan. Imong ma-download kini gikan sa website nga jw.org/ceb o i-download ang JW Library app. O kon gusto nimo, puwede kining ihatod sa mga Saksi ni Jehova diha sa imong balay.

Pagkat-og Dugang

Tukma ba ang New World Translation?

Nganong lahi ang New World Translation sa ubang mga hubad?