Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

ANG BANTAYANANG TORRE NOBYEMBRE 2015

Tubag sa mga Pangutana Bahin sa Bibliya

Tubag sa mga Pangutana Bahin sa Bibliya

Mabuhi ba pag-usab ang mga patay?

Ang Maglalalang sa kinabuhi makabuhi gyod sa mga patay

Si Jehova nga Diyos mao ang Tinubdan sa kinabuhi. (Salmo 36:9) Busa makataronganon nga siya makahimo sa pagbanhaw sa mga patay. Gipasaligan ta sa Bibliya nga iya kanang buhaton sa umaabot. (Basaha ang Buhat 24:15) Pero nganong buhaton man niya kana?

Sa sinugdan pa lang, katuyoan na sa atong Maglalalang nga ang tawo mabuhi sa way kataposan dinhi sa yuta. (Genesis 1:31; 2:15-17) Ug kana gihapon ang iyang gusto para sa katawhan. Nasakitan siya nga nagtan-aw sa atong mga gisagubang karon—kinabuhi nga puno sa problema ug dali rang matapos.—Basaha ang Job 14:1, 14, 15.

Asa magpuyo kadtong pagabanhawon?

Gihimo ba sa Diyos ang tawo aron magpuyo sa langit? Wala. Ang mga anghel mao ang gilalang sa Diyos aron magpuyo sa langit. Ang mga tawo iyang gilalang aron magpuyo sa yuta. (Genesis 1:28; Job 38:4, 7) Tagda ang pagpamanhaw nga gihimo ni Jesus. Gipasig-uli niya ang kinabuhi sa mga tawo dinhi mismo sa yuta. Sa susama, kadaghanan sab sa mga pagabanhawon sa umaabot mabuhi pag-usab dinhi sa yuta.Basaha ang Juan 5:28, 29; 11:44.

Apan, may pipila ka tawo nga gipili sa Diyos nga banhawon ngadto sa langit, diin sila makabaton ug espirituhanong mga lawas. (Lucas 12:32; 1 Corinto 15:49, 50) Kauban ni Kristo, kadtong pagabanhawon sa langit magmando ingong mga hari ibabaw sa yuta.—Basaha ang Pinadayag 5:9, 10.

 

Pagkat-og Dugang

Unsa ang Pagkabanhaw?

Lagmit masorpresa ka kon kinsay banhawon.