Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

ANG BANTAYANANG TORRE NOBYEMBRE 2015

 ANG BIBLIYA MAKABAG-O SA KINABUHI

Abi Nakog Nakapahimulos na Ko Pag-ayo sa Akong Kinabuhi

Abi Nakog Nakapahimulos na Ko Pag-ayo sa Akong Kinabuhi
  • NATAWO: 1982

  • NASOD: POLAND

  • KANIADTO: BAYOLENTE, NAGDROGA, UG MIKUHAG TAAS NGA KURSO

KAAGI:

Natawo ko sa gamayng lungsod sa Poland, duol sa utlanan sa Germany. Malinawon kog kinabuhi kay napalibotan mig kaumahan ug kalasangan. Gidasig ko sa akong mahigugmaong mga ginikanan nga magbinuotan, magtarong ug eskuyla, ug mokuhag taas nga kurso.

Nagsugod ang akong suliran dihang nag-eskuyla kog abogasiya sa usa ka unibersidad sa siyudad sa Wrocław. Layo ko sa akong ginikanan, ug nakig-uban kog dili maayong mga tawo. Ganahan kog saker, ug tungod sa impluwensiya sa bag-o nakong mga higala, grabe ang akong pagsuportar niini. Gikan sa Warsaw ang akong paboritong team, ug sa Sabado ug Dominggo, sunodsunoran nako sila bisag asa pa sila magdula. Bahin na niini nga mga lakaw ang pag-inom-inom, pag-abusog droga, ug usahay pakigkarambola sa mga tigsuportar sa kontra nga team. Giisip nako ni nga pangpawala sa stress, bisag nahibalo ko nga kon madakpan ko sa mga polis madaot ang akong pag-eskuyla sa abogasiya.

Hilig mi sa akong mga barkada moadtog mga klab ug diskohan. Didto, sagad mi makakitag away. Kadaghan na ko madakpi sa mga polis pero kanunay ra kong makalusot, usahay pinaagig hiphip. Abi gyod nakog nakapahimulos na ko pag-ayo sa akong kinabuhi. Bisan pa niana, nahibalo ko nga sayop ang akong gipangbuhat. Kada Dominggo, mosimba ko aron dili kaayo ko makonsensiya.

GIBAG-O SA BIBLIYA ANG AKONG KINABUHI:

Niadtong 2004, gibisita kog duha ka Saksi ni Jehova, ug misugot ko nga hisgotan namo ang Bibliya. Dihang mas nasabtan nako kon unsay buot ipasabot sa pagkahimong tinuod nga Kristohanon, natugaw na gyod ang akong konsensiya. Kinahanglan gyod nakong hunongon ang pagdroga, sobrang pag-inom, ug pagpakig-uban sa mga tawo nga wala magsubay sa mga sukdanan sa Bibliya. Nakita sab nako nga kinahanglang wad-on nako ang akong pagkaagresibo ug pagkabayolente. Pero wala gihapon ko mag-usab bisag nahibalo ko nga kinahanglan kong magbag-o.

Nausab ko dihang usa ka gabii nakig-away kog walo ka lalaki. Nahinumdom ko nga nahapla ko sa kalsada ug gikulata pag-ayo. Kay morag mamatay na ko, nag-ampo ko: “Jehova, pasayloa ko nga wa  nako seryosoha ang imong Pulong. Kon mabuhi ko, magtuon na gyod kog Bibliya uban sa mga Saksi ug magbag-o.” Makapakurat kay nabuhi gyod ko. Gituman nako ang akong saad nga magtuon ug Bibliya.

Sa 2006, mibalhin ko sa England. Tumong nako nga makatigom ug kuwarta aron makabalik sa Poland ug moeskuylag dugang sa abogasiya. Sa pagpadayon nakog tuon sa Bibliya, natandog ko sa usa ka teksto. Matod ni apostol Pablo, “Sa pagkatinuod giisip ko usab ang tanang butang nga kapildihan tungod sa pagkalabaw ug bili sa kahibalo ni Kristo Jesus nga akong Ginoo. Tungod kaniya nadawat ko ang kapildihan sa tanang butang ug giisip kini nga mga basura, aron akong maangkon si Kristo.” (Filipos 3:8) Sama nako, si apostol Pablo naedukar sa abogasiya ug kanhi bayolente pod kaayo. (Buhat 8:3) Pero nakita niya nga may mas maayong paagi pa sa pagkinabuhi: ang pag-alagad sa Diyos ug ang pagpaningkamot nga sundogon si Jesus. Dihang gipamalandong nako ang ehemplo ni Pablo, nakaamgo ko nga ang taas nga propesyon ug ang pagkabayolente dili sekreto sa kalipay. Kombinsido ko nga kon nakahimo si Pablo sa pagbag-o, makahimo sab ko. Busa, nakadesisyon kong magpabilin sa England ug kalimtan ang pag-eskuylag dugang sa abogasiya.

Samtang nagkadaghan ang akong nakat-onan bahin kang Jehova, mas nasuod ko kaniya. Nadasig ko sa iyang saad nga pasayloon niya kadtong gusto gyong magbag-o. (Buhat 2:38) Ug dihang gipamalandong nako ang 1 Juan 4:16 nga nag-ingon nga “ang Diyos gugma,” nasabtan nako kon nganong gidumtan sa Diyos ang pagkabayolente.

Gusto nako nga mahimong bahin nianang malipayon nga panag-igsoonay

Nakadayeg sab ko sa panggawi sa mga Saksi. Nakita nako nga naningkamot gyod silang sundon ang taas nga sukdanan sa Bibliya sa moral. Gusto nako nga mahimong bahin nianang malipayon nga panag-igsoonay. Human sa grabeng paningkamot nga magbag-o, nabawtismohan ko ingong Saksi ni Jehova niadtong 2008.

Malipayon kaayo ming Esther nga nagtudlog Bibliya sa mga tawo nga nagsultig Polish

MGA KAAYOHAN NGA AKONG NABATONAN:

Kaniadto ambisyoso ko, bayolente, adik, palainom, ug panatiko sa saker pero gibag-o ko sa Bibliya ug karon, alagad na ko sa Diyos ug malipayong nagtudlo sa uban bahin sa Bibliya. Ganahan gihapon kog saker, pero determinado ko nga mahimong balanse niana nga kalingawan.

Naminyo ko kang Esther, nga guwapa ug alagad sab ni Jehova. Malipayon kaayo ming nagtudlog Bibliya sa mga tawo nga nagsultig Polish dinhi sa amihanan-kasadpang England. Karon pa ko sukad mibatig tinuod nga katagbawan. Hinlo na ang akong konsensiya ug makahuloganon na ang akong kinabuhi.

Pagkat-og Dugang

Sa Unsang Paagi Makabenepisyo Kita sa mga Prinsipyo sa Bibliya?

Si Jesus naghisgot nga kita nagkinahanglag giya ug kon unsa ang duha ka prinsipyo sa Bibliya nga labing hinungdanon.