Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

ANG BANTAYANANG TORRE SEPTIYEMBRE 2015

 PANGUNANG TOPIKO | KINSA ANG MGA SAKSI NI JEHOVA?

Asa Gikan ang Pondo Para sa Among Buluhaton?

Asa Gikan ang Pondo Para sa Among Buluhaton?

Kada tuig, nag-imprenta mi ug nanagtag ug ginatos ka milyong Bibliya ug mga basahong binase sa Bibliya. Sa tibuok kalibotan, nagtukod mi ug nagpalakaw ug mga branch office ug imprentahanan. Linibo ka kongregasyon ang magtigom diha sa simple pero nindot nga mga dapit sa pagsimba, nga gitawag ug Kingdom Hall. Diin kuhaa ang among panggasto para niini?

Ang among buluhaton gisuportahan ug boluntaryong mga amot. (2 Corinto 9:7) Niadtong 1879, ang ikaduhang gula niini nga magasin miingon: “Gituohan sa ‘Zion’s Watch Tower’ [nga maoy pagtawag niini kaniadto] nga si JEHOVA ang nagsuportar niini, maong dili gayod mi magpakilimos o mangayog pinansiyal nga tabang gikan sa mga tawo.” Kana gihapon ang among gibarogan.

Ang mga donasyon direktang ipadala sa usa sa among mga branch office o ihulog sa donation box diha sa among mga Kingdom Hall. Pero kami walay ihatag nga ikapulo, dili mangolekta, o magpabayad sa among serbisyo o mga publikasyon. Wala mi suweldohi para magsangyaw, magtudlo sa kongregasyon, o magtukod sa among mga dapit sa pagsimba. Sa pagkatinuod, si Jesus miingon: “Nadawat ninyo nga walay bayad, ihatag nga walay bayad.” (Mateo 10:8) Walay suweldo ang tanang membro nga naa sa among mga branch office ug sa world headquarters, apil na ang mga membro sa Nagamandong Lawas sa mga Saksi ni Jehova.

“Sama sa tanang buluhaton sa mga Saksi ni Jehova, ang ilang mga amot dili pinugos, ug ang matag usa maoy modesisyon kon pila ug kapila sila mohatag ug ‘amot.’”—European Court of Human Rights, 2011

Ang mga donasyon gigamit usab alang sa mga hinabang panahon sa katalagman. Gikalipay sa unang mga Kristohanon ang pagtabang sa mga nanginahanglan. (Roma 15:26) Kami sab motabang sa mga biktima sa katalagman pinaagi sa pagtukod sa ilang mga balay ug dapit sa pagsimba, ug pagtaganag pagkaon, sinina, ug mga tambal.

Pagkat-og Dugang

Kon sa Unsang Paagi Makatabang Kita Niadtong mga Nanginahanglan

Sayra kon sa unsang paagi ang mga donasyon alang sa tibuok kalibotang buluhaton sa mga Saksi ni Jehova nakatabang sa pagtagana sa materyal ug espirituwal nga panginahanglan sa uban.