Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

ANG BANTAYANANG TORRE SEPTIYEMBRE 2015

 PANGUNANG TOPIKO | KINSA ANG MGA SAKSI NI JEHOVA?

Unsay Gituohan sa mga Saksi ni Jehova?

Unsay Gituohan sa mga Saksi ni Jehova?

Gituohan sa mga Saksi ni Jehova nga ang “tibuok Kasulatan inspirado sa Diyos ug mapuslanon.” (2 Timoteo 3:16) Gigamit namo ang Bibliya ingong giya aron makakat-on bahin sa Maglalalang ug makabaton ug makahuloganong kinabuhi.

Ang Bibliya nag-ingon: “Aron ang katawhan makaila nga ikaw, kansang ngalan mao si Jehova, ikaw lamang ang Labing Hataas ibabaw sa tibuok nga yuta.” (Salmo 83:18) Busa, si Jehova nga Diyos lang ang among gisimba, ug ingong iyang mga Saksi, gipahibalo namo ang iyang ngalan.—Isaias 43:10-12.

Ingong mga Kristohanon, gituohan namo nga si Jesus, “ang Anak sa Diyos,” * mianhi sa yuta ug nahimong Mesiyas. (Juan 1:34, 41; 4:25, 26) Human siya mamatay, si Jesus gibanhaw sa langit. (1 Corinto 15:3, 4) Sa ulahi siya nahimong Hari sa Gingharian sa Diyos. (Pinadayag 11:15) Kana nga Gingharian maoy tinuod nga gobyerno nga magpasig-uli sa Paraiso sa yuta. (Daniel 2:44) “Ang mga maaghop magapanag-iya sa yuta, ug sila makakaplag gayod sa ilang tumang kalipay sa kadagaya sa pakigdait,” matod sa Bibliya.—Salmo 37:11, 29.

“Para nila, ang Diyos nakig-estorya nila dihang magbasa silag Bibliya. Kon duna silay problema, ilang susihon ang Pulong sa Diyos alang sa solusyon. . . . Sila nagtuo nga buhi pa gihapon ang Pulong sa Diyos.”—Katolikong pari nga si Benjamin Cherayath, Münsterländische Volkszeitung nga mantalaan, Germany

Gituohan sa mga Saksi ni Jehova nga ang mga prinsipyo sa Bibliya makahatag ug kaayohan sa mga tawo bisan karon. (Isaias 48:17, 18) Busa, gisunod namo pag-ayo kini nga mga prinsipyo. Pananglitan, dili mi manigarilyo o magdroga kay gipasidan-an man ta sa Bibliya nga likayan ang bisan unsa nga makahugaw sa atong hunahuna ug lawas. (2 Corinto 7:1) Gilikayan usab namo ang mga binuhatan nga gidumtan sa Bibliya sama sa paghuboghubog, seksuwal nga imoralidad, ug pagpangawat.—1 Corinto 6:9-11.

^ par. 5 Gihisgotan sab sa Bibliya si Jesus ingong ang “bugtong nga Anak sa Diyos” kay siya ang una, ug mao lamang ang direktang gilalang ni Jehova.—Juan 3:18; Colosas 1:13-15.

Pagkat-og Dugang

Unsay Gituohan sa mga Saksi ni Jehova?

Sayra ang 15 ka panguna namong pagtulon-an.

Nagtuo ba ang mga Saksi ni Jehova nga ang Ilang Relihiyon Mao ray Tinuod?

Miingon ba si Jesus nga daghan ang dalan paingon sa kaluwasan?