Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Ang Bantayanang Torre  |  Agosto 2015

Tubag sa mga Pangutana Bahin sa Bibliya

Tubag sa mga Pangutana Bahin sa Bibliya

Mao lang ba kini ang kinabuhi?

Mibati ka ba usahay nga mubo ra kaayo ang kinabuhi?

Nakapangutana ka ba kon ang kinabuhi taman lang gyod sa pagdula, pagtrabaho, pagminyo, pag-atiman ug pamilya, ug pagkatigulang? (Job 14:1, 2) Gipakita sa Bibliya nga bisan ang labing maalamong mga tawo nakapangutana niini.—Basaha ang Ecclesiastes 2:11.

Duna bay kahulogan ang kinabuhi? Una, angay tang mangutana, Sa unsang paagi nagsugod ang kinabuhi? Human masusi ang atong utok ug ang uban pang bahin sa atong lawas nga nindot kaayong pagkadisenyo, daghay nakaingon nga dunay maalamong Maglalalang. (Basaha ang Salmo 139:14.) Nan, may rason gyod kon nganong iya tang gihimo! Kon sayron nato kana nga rason, mahimong mas makahuloganon ang atong kinabuhi.

Nganong gilalang ang mga tawo?

Gipanalanginan sa Diyos ang unang tawhanong magtiayon ug gihatagan sila ug nindot nga buluhaton. Iyang katuyoan nga pun-on nila ang yuta, himoon kining paraiso, ug mabuhi sa walay kataposan.—Basaha ang Genesis 1:28, 31.

Wala dayon matuman ang katuyoan sa Diyos dihang mirebelde ang tawo. Pero wala ta niya isalikway, ug wala niya usba ang iyang katuyoan para sa tawo ug sa yuta. Gipasaligan ta sa Bibliya nga ang Diyos dunay gihimo aron maluwas ang matinumanong katawhan ug matuman ang iyang katuyoan sa yuta! Busa buot sa Diyos nga matagamtam nimo ang kinabuhi nga gusto niya para nimo. (Basaha ang Salmo 37:29.) Susiha diha sa Bibliya kon sa unsang paagi ka makabenepisyo sa katuyoan sa Diyos.

 

Pagkat-og Dugang

Unsay Tinuod nga Gitudlo sa Bibliya?

Unsa ang Katuyoan sa Diyos Alang sa Yuta?

Matuman kaha ang katuyoan sa Diyos alang sa yuta? Kon mao, kanus-a?

TUBAG SA MGA PANGUTANA BAHIN SA BIBLIYA

Unsa ang Kahulogan sa Kinabuhi?

Nakapangutana ka na ba, ‘Unsa ang katuyoan sa kinabuhi?’ Sayra kon sa unsang paagi gitubag sa Bibliya ang maong pangutana.