Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

ANG BANTAYANANG TORRE MAYO 2015

Tubag sa mga Pangutana Bahin sa Bibliya

Tubag sa mga Pangutana Bahin sa Bibliya

Unsa ang Adlaw sa Paghukom?

Nganong ang adlaw sa paghukom malipayong panahon?

Kaniadto, gigamit sa Diyos ang mga maghuhukom aron luwason ang iyang katawhan gikan sa inhustisya. (Maghuhukom 2:18) Gipakita sa Bibliya nga ang umaabot nga Adlaw sa Paghukom maoy malipayong panahon diin si Jehova, ang Maghuhukom sa tibuok yuta, magluwas sa katawhan gikan sa inhustisya.—Basaha ang Salmo 96:12, 13; Isaias 26:9.

Gitudlo sa Diyos si Jesus sa pagpahamtang ug hustisya sa mga buhi ug mga patay. (Buhat 10:42; 17:31) Daghay namatay nga wala makaila sa Diyos. Sa Adlaw sa Paghukom, banhawon ni Jesus ang maong mga tawo aron sila makaila ug mahigugma sa matuod nga Diyos.—Basaha ang Buhat 24:15.

Nganong ang Adlaw sa Paghukom moabot mag 1,000 ka tuig?

Ang mga patay banhawon panahon sa 1,000 ka tuig. (Pinadayag 20:4, 12) Kinahanglan nilag panahon aron makakat-on sa mga pamaagi sa Diyos ug mosunod kaniya. Lahi sa gituohan sa kadaghanan, gipakita sa Bibliya nga ang mga tawo pagahukman base sa ilang binuhatan human sila banhawa.—Basaha ang Roma 6:7.

Gihisgotan sab sa Bibliya ang usa ka adlaw sa paghukom nga kalit nga moabot sa dili pa magsugod ang 1,000 ka tuig. Kana nga adlaw gitawag sab ug kataposan, nga maoy gihisgotan sa pangunang mga artikulo niini nga gula. Nianang adlawa, laglagon sa Diyos ang tanang dili diyosnon ug daotan. (2 Pedro 3:7) Busa, kinahanglan gyod natong pamatud-an nga nahigugma ta sa Diyos.—Basaha ang 2 Pedro 3:9, 13.