Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

ANG BANTAYANANG TORRE ABRIL 2015

Tubag sa mga Pangutana Bahin sa Bibliya

Tubag sa mga Pangutana Bahin sa Bibliya

Unsay kaugmaon sa mga tawo?

Sa unsang paagi ang kamatayon ni Jesus magpatunghag katilingban diin ang mga tawo may kahingawa sa usag usa?

Walay duhaduha nga ang tawo kanunay mohimog kauswagan sa siyensiya. Apan sila ba makahimog katilingban diin ang katawhan may tinuod nga kahingawa sa usag usa? Dili. Ang kalibotan karon napuno sa kahakog ug kadalo. Apan dunay maayong katuyoan ang Diyos alang sa mga tawo.—Basaha ang 2 Pedro 3:13.

Gihisgotan sa Pulong sa Diyos nga sa umaabot dunay usa ka tibuok kalibotang katilingban diin ang mga tawo maghigugmaay sa usag usa. Sila unya magpuyo na nga may kasegurohan, ug wala nay magpahinabog kadaot.—Basaha ang Miqueas 4:3, 4.

Sa unsang paagi wagtangon ang kahakog?

Gilalang sa Diyos ang tawo nga walay tendensiya sa kahakog. Apan sa dihang ang unang tawo misupak sa Diyos, nawala ang iyang kahingpitan. Atong napanunod kaniya ang tendensiya sa kahakog. Bisan pa niana, gamiton sa Diyos si Jesus aron mapasig-uli ang tawo sa kahingpitan.—Basaha ang Roma 7:21, 24, 25.

Uyon sa kabubut-on sa Diyos, si Jesus namatay ingong halad nga nagwagtang sa epekto sa pagsupak sa unang tawo. (Roma 5:19) Busa pinaagi kang Jesus, naposible ang nindot nga kaugmaon diin ang mga tawo wala nay tendensiya sa kahakog ug sa paghimog daotan.—Basaha ang Salmo 37:9-11.

 

Pagkat-og Dugang

Unsa ang Katuyoan sa Diyos Alang sa Yuta?

Gisaysay sa Bibliya kon nganong gilalang sa Diyos ang yuta, kon kanus-a matapos ang pag-antos ug kon unsay mahitabo sa umaabot alang sa yuta ug niadtong magpuyo niana.

Ang Lukat—Ang Labing Maayong Gasa sa Diyos

Unsa ang lukat? Sa unsang paagi ka makabenepisyo niini?