Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

ANG BANTAYANANG TORRE ENERO 2015

Tubag sa mga Pangutana Bahin sa Bibliya

Tubag sa mga Pangutana Bahin sa Bibliya

Nganong daghan ang nagtuo nga dunay Maglalalang?

Dili ba makapahingangha ang kinabuhi?

Mga 3,000 ka tuig kanhi, usa ka magbabalak ang misulat: “Sa makalilisang [o, kahibulongan] nga paagi ako katingalahan nga pagkabuhat.” (Salmo 139:14) Dili ba makapahingangha kon sa unsang paagi ang usa ka selula mahimong bata? Daghan ang miila nga duna gyoy Maglalalang nga nagdisenyo sa buhing mga butang.—Basaha ang Salmo 139:13-17; Hebreohanon 3:4.

Ang naglalang sa uniberso ug sa yuta mao usab ang naglalang sa kinabuhi. (Salmo 36:9) Siya nakigkomunikar sa mga tawo ug nagpaila sa iyang kaugalingon.—Basaha ang Isaias 45:18.

Gikan ba ta sa mga hayop?

Daghang bahin sa atong lawas ang popareho sa mga hayop. Pero tungod kini kay gidisenyo sa Maglalalang ang mga tawo ug hayop nga parehong mabuhi sa yuta. Iyang gihimo ang unang tawo gikan sa abog sa yuta, dili gikan sa hayop.—Basaha ang Genesis 1:24; 2:7.

Ang mga tawo lahi sa mga hayop sa duha ka paagi. Una, ang mga tawo may katakos nga makaila, mahigugma, ug motahod sa Maglalalang. Ikaduha, ang mga tawo gidisenyo nga mabuhi sa walay kataposan, samtang ang mga hayop wala. Pero karon, ang tanang tawo mamatay kay gisalikway man sa unang tawo ang paggiya sa Maglalalang.—Basaha ang Genesis 1:27; 2:15-17.

 

Pagkat-og Dugang

PAGMATA!

Ang Wala Mabutyag nga Asoy Bahin sa Paglalang

Ang asoy ba sa Bibliya bahin sa paglalang nahiuyon sa siyensiya?

Unsay Tinuod nga Gitudlo sa Bibliya?

Unsa ang Kamatuoran Bahin sa Diyos?

Sa imong hunahuna, may pagtagad ba gyod ang Diyos kanimo? Sayra ang bahin sa iyang personalidad ug kon unsaon nimo pagpakigsuod niya.