Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

ANG BANTAYANANG TORRE DISYEMBRE 2014

Tubag sa mga Pangutana Bahin sa Bibliya

Tubag sa mga Pangutana Bahin sa Bibliya

Sa unsang paagi makakat-on ang mga anak sa paghigugma sa Diyos?

Gamita ang kalalangan sa pagtudlo sa imong anak aron siya makaila ug mahigugma sa Diyos

Ang imong mga anak makakat-on lang sa paghigugma sa Diyos kon nahibalo sila nga siya naglungtad ug nahigugma kanila. Busa kinahanglan silang makaila kaniya. (1 Juan 4:8) Pananglitan, kinahanglan silang mahibalo: Nganong gihimo sa Diyos ang tawo? Nganong gitugotan sa Diyos ang pag-antos? Unsay himoon sa Diyos para sa mga tawo sa umaabot?—Basaha ang Filipos 1:9.

Aron matabangan ang imong mga anak nga higugmaon ang Diyos, ipakita nila nga ikaw mismo nahigugma sa Diyos. Kon ila kanang makita, posible silang mosundog nimo.—Basaha ang Deuteronomio 6:5-7; Proverbio 22:6.

Unsaon nimo pagtandog sa kasingkasing sa imong mga anak?

Ang Pulong sa Diyos gamhanan. (Hebreohanon 4:12) Busa tabangi ang imong mga anak nga makakat-on sa pangunang mga pagtulon-an niini. Aron matandog ang kasingkasing sa mga tawo, si Jesus nangutana, namati, ug nagsaysay sa Kasulatan. Aron matandog sab ang kasingkasing sa imong mga anak, sundoga ang paagi ni Jesus sa pagtudlo.—Basaha ang Lucas 24:15-19, 27, 32.

Dugang pa, ang mga asoy sa Bibliya nga nagpakita kon giunsa pagtratar sa Diyos ang mga tawo makatabang sa mga anak nga makaila ug mahigugma sa Diyos. Anaa sa www.jw.org/ceb ang mga publikasyon nga gidisenyo para niini nga katuyoan.—Basaha ang 2 Timoteo 3:16.

 

Pagkat-og Dugang

Kon sa Unsang Paagi Magmalipayon ang Imong Pamilya

Ang gugma nga gipakita ni Jesus maoy maayong panig-ingnan sa mga bana, asawa, ginikanan, ug mga anak. Unsay atong makat-onan niya?

Mahimong Higala ni Jehova

Kini nga mga animated video, awit, ug ma-print nga mga kalingawan makatabang sa mga anak nga makakat-on ug importanteng mga leksiyon kon unsaon nga mapalipay ang Diyos.