Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

ANG BANTAYANANG TORRE DISYEMBRE 2014

 PANGUNANG TOPIKO | PUWEDE KANG MASUOD SA DIYOS

Wala Nay Molabaw Pa Niini nga Pagkinabuhi

Wala Nay Molabaw Pa Niini nga Pagkinabuhi

Unsay imong mahimo aron masuod ka sa Diyos? Kini ang pipila ka lakang nga atong nahisgotan aron makabatog suod nga relasyon kaniya:

  1. Sayra ug gamita ang ngalan sa Diyos, nga Jehova.

  2. Pakig-estorya kanunay niya pinaagi sa pag-ampo ug pagtuon sa iyang Pulong, ang Bibliya.

  3. Buhata kanunay kon unsay makapalipay kang Jehova.

Pakigsuod sa Diyos pinaagi sa paggamit sa iyang ngalan, pag-ampo kaniya, pagtuon sa iyang Pulong, ug sa pagbuhat kon unsay makapalipay niya

Base niining tanan, makaingon ka ba nga ginahimo nimo kon unsay gikinahanglan aron masuod sa Diyos? Gibati ba nimo nga duna ka pay puwedeng pauswagon? Hinuon, nagkinahanglan kinig paningkamot, pero tagda ang mga resulta.

“Di gyod kawang ang mga paningkamot nga masuod sa Diyos,” matod ni Jennifer, sa United States. “Daghag panalangin kon suod ka sa Diyos: mas mosalig ka sa Diyos, mas mailhan nimo siya, ug labaw sa tanan, mas higugmaon ka niya. Wala nay molabaw pa niini!”

Kon gusto nimong masuod sa Diyos, ang mga Saksi ni Jehova malipayng motabang nimo. Mahimo kang magtuon ug Bibliya uban nila nga way bayad. Gidapit sab ka nga motambong sa ilang mga tigom sa Kingdom Hall, diin makauban nimo kadtong nagpabili sa ilang relasyon sa Diyos. * Sa pagbuhat niana, bation sab nimo ang gibati sa salmista: “Bahin kanako, ang pagduol sa Diyos maayo alang kanako.”—Salmo 73:28.

^ par. 9 Aron makahangyog pagtuon sa Bibliya o makakitag Kingdom Hall nga duol sa inyo, pakig-estorya sa naghatag nimo niining magasina o ablihi ang among Web site nga www.jw.org/ceb, ug tan-awa ang KONTAKA KAMI sa ubos sa homepage.

Pagkat-og Dugang

Unsa ang Pagtuon sa Bibliya?

Sayra ang tubag sa mga pangutana bahin sa among libreng programa sa pagtuon sa Bibliya.

Unsay Ginahimo Diha sa Kingdom Hall?

Tan-awa ang video aron imong masayran.