Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

ANG BANTAYANANG TORRE OKTUBRE 2014

 PANGUNANG TOPIKO | GINGHARIAN SA DIYOS—UNSAY HIMOON NIINI ALANG KANIMO?

Gingharian sa Diyos—Unsay Himoon Niini Alang Kanimo?

Gingharian sa Diyos—Unsay Himoon Niini Alang Kanimo?

Tingali nasabtan nimo sa nag-unang mga artikulo nga importante kaayo sa mga Saksi ni Jehova ang Gingharian sa Diyos. Ug lagmit nainteres ka sa umaabot nga mga panalangin sa Gingharian sa Diyos. Apan tingali naghunahuna sab ka kon tinuod ba gyod ang maong mga saad.

Makataronganon lang nga dili dayon ka motuo sa imong madungog. (Proverbio 14:15) Gani, ingon sab niana ang mga taga-Berea * kaniadto. Pagkadungog nila sa maayong balita bahin sa Gingharian, wala dayon sila motuo niini bisan pag giganahan sila sa ilang nadungog. Kondili gisusi gyod nila sa Kasulatan “kon tinuod ba kining mga butanga.” (Buhat 17:11) Sa ato pa, gitandi sa mga taga-Berea ang maayong balita nga ilang nadungog sa kon unsay giingon sa Bibliya. Wala madugay, nakombinsir sila nga gikan gyod sa Pulong sa Diyos ang maayong balita.

Gidasig ka sa mga Saksi ni Jehova nga sundogon ang mga taga-Berea. Pinaagi sa among ginatanyag nga libreng pagtuon sa Bibliya, imong masusi kon gikan ba gyod sa Bibliya ang gitudlo sa mga Saksi ni Jehova bahin sa Gingharian sa Diyos.

Gawas nga makakat-on ka bahin sa Gingharian sa Diyos, masayran sab nimo ang tubag sa importanteng mga pangutana.

Labaw sa tanan, ang pagtuon sa Bibliya makapasuod kanimo sa Diyos. (Santiago 4:8) Samtang magkasuod ka sa Diyos, mas makombinsir ka nga tinuod gyod ang mga kaayohan nga ikahatag sa Gingharian sa Diyos kanimo—dili lang karon kondili hangtod sa walay kataposan. Si Jesus mismo miampo sa iyang Amahan: “Kini nagkahulogan ug kinabuhing walay kataposan, ang ilang pagkuha ug kahibalo bahin kanimo, ang bugtong matuod nga Diyos, ug sa usa nga imong gipadala, si Jesu-Kristo.”—Juan 17:3.

 

^ par. 4 Ang Berea maoy usa ka siyudad sa karaang Macedonia.

Pagkat-og Dugang

LIBRO UG BROSYUR

Asa Makita ang Tubag sa Importanteng mga Pangutana sa Kinabuhi?

Sa siyensiya ba, sa pilosopiya, o sa Bibliya?

KOMON NGA MGA PANGUTANA

Unsa ang Pagtuon sa Bibliya?

Sayra ang tubag sa mga pangutana bahin sa among libreng programa sa pagtuon sa Bibliya.