Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Ang Bantayanang Torre  |  Agosto 2014

 PANGUNANG TOPIKO | INTERESADO BA ANG DIYOS KANIMO?

May Pagtagad ba ang Diyos Kanimo?

May Pagtagad ba ang Diyos Kanimo?

“Ako sinakit ug kabos. Si Jehova naghunahuna kanako.” *DAVID SA ISRAEL, IKA-11NG SIGLO B.C.E.

“Ang mga nasod sama sa usa ka tinulo gikan sa timba.”—ISAIAS 40:15

Husto bang dahomon ni David nga ang Diyos naghunahuna kaniya? Ang Diyos ba may pagtagad kanimo? Daghan ang nalisdan sa pagtuo nga interesado kanila ang labing gamhanang Diyos. Ngano?

Ang usa ka rason mao nga labaw kaayo ang Diyos sa mga tawo. Gikan sa iyang taas kaayong posisyon, ang mga nasod “sama sa usa ka tinulo gikan sa timba; ug sila giisip ingon nga manipis nga abog sa timbangan.” (Isaias 40:15) Usa ka kritiko sa relihiyon misulat nga “imposibleng dunay diyos nga interesado kaayo sa imong kalihokan.”

Para sab sa uban, dili sila takos sa pagtagad sa Diyos tungod sa ilang panggawi. Pananglitan, matod ni Jim nga mga 50 ang edad: “Pirme kong mag-ampo nga tabangan kong magmakalmado ug makapugong sa kaugalingon, pero kanunay gihapon kong masuko. Sa akong tan-aw, daotan ra kaayo ko ug dili ko matabangan sa Diyos.”

Layo ba kaayo ang Diyos nga dili ta niya mamatikdan? Unsa ba gyoy iyang pagbati sa dili hingpit nga mga tawo? Kon wala pa ipaila sa Diyos ang iyang kaugalingon, walay tawo nga hustong makatubag niining mga pangutanaha. Apan gipasaligan kita sa iyang Pulong, ang Bibliya, nga siya may pagtagad sa tanang tawo. “Sa pagkatinuod,” ang Bibliya nag-ingon nga “siya dili halayo gikan sa matag usa kanato.” (Buhat 17:27) Hisgotan sa sunod nga upat ka artikulo kon unsay gisulti sa Diyos bahin sa iyang pagtagad sa mga tawo ug kon sa unsang paagi siya nagpakitag interes kanimo.

^ par. 3 Salmo 40:17; Jehova ang ngalan sa Diyos sumala sa Bibliya.