Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

ANG BANTAYANANG TORRE HULYO 2014

Tubag sa mga Pangutana Bahin sa Bibliya

Tubag sa mga Pangutana Bahin sa Bibliya

Nganong angay tang moampo?

Gusto ni Jehova nga Diyos nga kanunay natong isulti niya ang atong mga kabalaka. (Lucas 18:1-7) Siya mamati kay interesado siya kanato. Sanglit mahigugmaon tang gidapit sa atong Langitnong Amahan nga moampo kaniya, dili ba nato dawaton ang iyang imbitasyon?—Basaha ang Filipos 4:6.

Ang pag-ampo dili lang paagi nga makapangayog tabang. Hinunoa, kini makapasuod kanato sa Diyos. (Salmo 8:3, 4) Kon pirme natong ipahayag kaniya ang atong pagbati, mas masuod ta sa Diyos.—Basaha ang Santiago 4:8.

Unsaon nato pag-ampo?

Dihang mag-ampo ta, dili gusto sa Diyos nga mapasigarbohon tag mga pulong o balikbalikon ang memoryadong mga pag-ampo. Dili sab kinahanglang duna tay espesipikong posisyon. Giawhag ta ni Jehova nga mag-ampo nga kinasingkasing. (Mateo 6:7) Pananglitan, sa karaang Israel, si Ana nag-ampo bahin sa usa ka makapaguol nga problema sa pamilya. Sa ulahi, dihang ang iyang kaguol napulihag kalipay, siya kinasingkasing nga nag-ampo ug nagpasalamat sa Diyos.—Basaha ang 1 Samuel 1:10,12, 13, 26, 27; 2:1.

Pagkanindot niini nga pribilehiyo! Makasulti ta sa Maglalalang bahin sa atong mga kabalaka. Makadayeg ug makapasalamat sab ta sa tanan niyang gibuhat. Angay lang nga pabilhan nato kining bililhong pribilehiyo.—Basaha ang Salmo 145:14-16.

Pagkat-og Dugang

Pakigsuod sa Diyos Pinaagi sa Pag-ampo

Mamati ba ang Diyos sa imong pag-ampo? Aron matubag kana, kinahanglang imong masabtan ang gitudlo sa Bibliya bahin sa pag-ampo.