Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

ANG BANTAYANANG TORRE AGOSTO 2013

Tubag sa mga Pangutana Bahin sa Bibliya

Tubag sa mga Pangutana Bahin sa Bibliya

Dunggon ba sa Diyos ang tanang pag-ampo?

Ang Diyos mamati sa mga tawo sa tanang kanasoran. (Salmo 145:18, 19) Ang iyang Pulong, ang Bibliya, nagdasig nato nga isulti kaniya ang bisan unsa nga atong gikabalak-an. (Filipos 4:6, 7) Apan, may mga pag-ampo nga dili makapahimuot sa Diyos, sama sa balikbalik ug sinag-ulong mga pag-ampo.—Basaha ang Mateo 6:7.

Dugang pa, dili dunggon ni Jehova ang pag-ampo sa mga tawo nga tinuyong nagsalikway sa iyang balaod. (Proverbio 28:9) Pananglitan, sa kapanahonan sa Bibliya, ang Diyos wala mamati sa mga Israelitas nga sad-an sa pagbuno. Tin-aw nga kinahanglan natong kab-oton ang pipila ka kinahanglanon aron kita pamation sa Diyos.—Basaha ang Isaias 1:15.

Unsay atong buhaton aron dunggon sa Diyos?

Dili kita makaampo sa Diyos kon wala kitay pagtuo. (Santiago 1:5, 6) Kinahanglang kombinsido kita nga siya naglungtad ug nahingawa kanato. Mapalig-on nato ang atong pagtuo pinaagi sa pagtuon sa Bibliya kay ang tinuod nga pagtuo gipasukad sa ebidensiya ug mga pasalig nga makaplagan sa Pulong sa Diyos.—Basaha ang Hebreohanon 11:1, 6.

Kinahanglang sinsero ug mapainubsanon kita dihang mag-ampo. Bisan ang Anak sa Diyos, si Jesus, mapainubsanon dihang nag-ampo. (Lucas 22:41, 42) Busa, imbes diktahan ang Diyos kon unsay buhaton, kinahanglang maningkamot kita nga masabtan ang iyang mga kinahanglanon pinaagi sa pagbasa sa Bibliya. Dayon makaampo kita uyon sa iyang kabubut-on.—Basaha ang 1 Juan 5:14.

Pagkat-og Dugang

Unsay Tinuod nga Gitudlo sa Bibliya?

Pakigsuod sa Diyos Pinaagi sa Pag-ampo

Mamati ba ang Diyos sa imong pag-ampo? Aron matubag kana, kinahanglang imong masabtan ang gitudlo sa Bibliya bahin sa pag-ampo.