Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

ANG BANTAYANANG TORRE HULYO 2013

Makasalig ba Ka sa Relihiyon Kon Bahin sa Gubat?

Makasalig ba Ka sa Relihiyon Kon Bahin sa Gubat?

 Makasalig ba Ka sa Relihiyon Kon Bahin sa Gubat?

Si Alberto nagsundalo sa halos napulo ka tuig. Nahinumdom siya: “Gibendisyonan mi sa tsaplin, nga nag-ingon, ‘Ang Ginoo maanaa kaninyo.’ Apan nahibulong ko, ‘Moadto ko sa panggubatan aron mopatay, pero ang Bibliya nag-ingon nga “dili ka magpatay.”’”

Si Ray usa ka navy niadtong Gubat sa Kalibotan II. Kas-a, gipangutana niya ang tsaplin: “Mosaka ka sa barko ug ampoan ang mga sundalo aron sila modaog. Di ba gihimo pod na sa kontra?” Ang tsaplin mitubag nga misteryoso ang mga paagi sa Ginoo.

Kon dili ka kontento sa tubag, dili kay ikaw ray mibati niana.

UNSAY GITUDLO SA BIBLIYA?

Si Jesus miingon nga usa sa kinadak-ang mga sugo sa Diyos maoy “higugmaon mo ang imong silingan sama sa imong kaugalingon.” (Marcos 12:31) Gipasabot ba ni Jesus nga ang paghigugma sa silingan nagdepende sa dapit nga iyang gipuy-an o sa iyang nasyonalidad? Wala. Giingnan niya ang iyang mga tinun-an: “Pinaagi niini ang tanan makaila nga kamo akong mga tinun-an, kon kamo adunay gugma sa inyong taliwala.” (Juan 13:34, 35) Talagsaon gayod ang ilang gugma sa usag usa nga kini magpaila kanila. Mas palabihon nila nga itugyan ang ilang kinabuhi alang sa usag usa kay sa hunoson ang kinabuhi sa uban.

Ang unang mga Kristohanon nagsunod sa mga pulong ni Jesus. Ang The Encyclopedia of Religion nag-ingon: “Ang unang mga amahan sa iglesya, lakip kang Tertullian ug Origen, nagpamatuod nga ang mga Kristohanon gidid-an sa paghunos sa tawhanong kinabuhi, usa ka prinsipyo nga nagpugong kanila sa pag-apil sa Romanhong kasundalohan.”

NAGSUNOD BA NIINI ANG MGA SAKSI NI JEHOVA?

Kay may mga Saksi ni Jehova sa halos matag nasod, ang pipila kanila anaa sa nagbangiayng mga nasod. Pero, gipaningkamotan nilang ipakita kanunay ang gugma nga nagpaila kanila.

Pananglitan, dihang nagkabangiay ang tribong Hutu ug Tutsi sa Rwanda sa 1994, ang mga Saksi ni Jehova nagpabiling neyutral. Ang mga Saksi nga Hutu nagtago sa mga Saksi nga Tutsi, bisag nameligro ang ilang kinabuhi. Sa dihang nasakpan ang duha ka Saksi nga Hutu nga nagtago sa ilang mga igsoong Tutsi, ang teroristang mga Hutu Interahamwe miingon: “Kinahanglang patyon mo kay gitabangan ninyo ang mga Tutsi.” Ikasubo, gipatay gyod ang duha ka Saksi nga Hutu.—Juan 15:13.

Unsay imong hunahuna: Ang gibuhat ba sa mga Saksi ni Jehova nahiuyon sa mga pulong ni Jesus bahin sa masakripisyohong gugma?

[Hulagway sa panid 5]

[Credit Line]

Based on U.S. Army photo

[Blurb sa panid 5]

Nagtudlo ba ang relihiyosong mga lider ug tinuod nga Kristohanong gugma?