Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

ANG BANTAYANANG TORRE HULYO 2013

Tubag sa mga Pangutana Bahin sa Bibliya

Tubag sa mga Pangutana Bahin sa Bibliya

 TUBAG SA MGA PANGUTANA BAHIN SA BIBLIYA

Posible ba ang kinabuhing dayon?

Ang unang tawo, si Adan, nabuhig daghang siglo. Apan siya natigulang ug namatay. Sukad niadto, gisulayan sa tawo ang daghang paagi aron dili matigulang. Pero, wala pay tawo nga nakalikay sa kamatayon. Ngano? Si Adan natigulang ug namatay kay siya nakasala dihang misupak siya sa Diyos. Kita matigulang kay napanunod nato ang sala ni Adan ug ang silot nga kamatayon.—Basaha ang Genesis 5:5; Roma 5:12.

Aron mabuhi sa dayon, kinahanglang may molukat kanato. (Job 33:24, 25) Ang lukat mao ang bili nga ibayad aron mapahigawas ang usa, ug sa atong bahin, kita kinahanglang ipahigawas sa kamatayon. (Exodo 21:29, 30) Si Jesus ang nagbayad sa bili dihang namatay siya alang kanato.—Basaha ang Juan 3:16.

Sa unsang paagi maangkon nato ang kinabuhing dayon?

Dili tanan ang mapahigawas sa sakit ug pagkatigulang. Ngani, kadtong mosupak sa Diyos, sama ni Adan, mawad-an sa ilang kinabuhi. Kadto lamang napasaylo sa ilang mga sala ang mabuhi sa dayon.—Basaha ang Isaias 33:24; 35:3-6.

Aron mapasaylo, kinahanglang duna tay buhaton. Kinahanglang mahibalo kita bahin sa Diyos pinaagi sa pagtuon sa iyang Pulong, ang Bibliya. Kini nagtudlo kanato kon unsaon pagkinabuhing malipayon ug kon unsaon pag-angkon ang pag-uyon sa Diyos ug ang kinabuhing dayon.—Basaha ang Juan 17:3; Buhat 3:19.

Alang sa dugang impormasyon, tan-awa ang kapitulo 3 niining libroha, Unsay Tinuod nga Gitudlo sa Bibliya?, nga gipatik sa mga Saksi ni Jehova

[Hulagway sa panid 16]

Unsang tagana ang makapahigawas kanato sa kamatayon?

Pagkat-og Dugang

Mapasaylo ba ang Atong mga Sala?

Mopasaylo ba ang Diyos bisan sa bug-at nga mga sala? Unsay atong himoon aron kita iyang kahimut-an?