Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

ANG BANTAYANANG TORRE HULYO 2013

Duna bay Relihiyon nga Imong Kasaligan?

Duna bay Relihiyon nga Imong Kasaligan?

 Duna bay Relihiyon nga Imong Kasaligan?

Kon nahigawad ka sa usa ka relihiyon, lagmit dili na ka mosalig sa bisan unsang relihiyon. Apan sa pagkatinuod adunay relihiyon nga imong kasaligan. Sa dinhi sa yuta, si Jesus nagtigom ug matinuohong mga sumusunod ug nagtudlo kanila sa pagkinabuhi uyon sa sukdanan sa Diyos. Aduna pay matuod nga mga sumusunod ni Kristo karon nga naningkamot sa pagkinabuhi uyon sa Kristohanong mga prinsipyo. Asa nimo sila makita?

Si Estelle nga gihisgotan sa nangaging artikulo miingon: “Nakakat-on na gyod ko bahin sa Bibliya pagsugod nakog Bible study uban sa mga Saksi ni Jehova. Nasabtan ko dayon ang Juan 8:32, nga nag-ingon: ‘Kamo mahibalo sa kamatuoran, ug ang kamatuoran magpagawas kaninyo.’”

Si Ray nga nahisgotan na sab miingon: “Pag-Bible study nako uban sa mga Saksi ni Jehova, nasayran nako nga dili pagbuot sa Diyos ang pag-antos sa tawo. Akong nasabtan nga bisag may maayong rason nga gitugotan sa Diyos ang pagkadaotan karon, siya nagsaad usab nga wagtangon kini sa dili madugay.”

Lisod sungsongon kining samag sulog nga daotang moralidad sa kalibotan. Apan posible kini. Daghan ang gustong matabangan aron masabtan ug ikapadapat ang Bibliya. Busa, ang mga Saksi ni Jehova nagdumalag libreng Bible study sa minilyon sa tibuok kalibotan. Kada semana, daghan ang nagtuon sa tinuod nga gitudlo sa Bibliya. Tungod niana, nasuod sila sa Maglalalang ug nagmalipayon. *

Kon makahimamat kag mga Saksi ni Jehova, pangutan-a sila kon nganong may pagsalig sila sa ilang relihiyon. Susiha ang ilang mga pagtulon-an ug dungog ingong Kristohanon. Unya naa lang nimo ang pagdesisyon kon duna bay relihiyon nga imong kasaligan.

[Footnote]

^ par. 5 Alang sa dugang impormasyon, tan-awa ang librong Unsay Tinuod nga Gitudlo sa Bibliya? nga gipatik sa mga Saksi ni Jehova.

[Hulagway sa panid 7]

[Blurb sa panid 7]

Pangutan-a ang mga Saksi ni Jehova kon nganong may pagsalig sila sa ilang relihiyon

Pagkat-og Dugang

Unsaon Nimo Pag-ila sa Matuod nga Pagsimba?

Usa ra ba ang matuod nga relihiyon? Sayra ang lima ka ilhanan sa matuod nga pagsimba.

Nganong Tun-an ang Bibliya?

Nakaingon ka na ba nga ‘Busy kaayo ko,’ o ‘Dili ko gustong maobligar’?