Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

ANG BANTAYANANG TORRE HUNYO 2013

 TUBAG SA MGA PANGUTANA BAHIN SA BIBLIYA

Tubag sa mga Pangutana Bahin sa Bibliya

Nganong lisod makab-ot ang kalinaw sa kalibotan?

Ang gobyerno nga makapausab sa tinamdan sa mga tawo mao lamang ang makapatunghag kalinaw sa kalibotan

Ang Bibliya naghisgot ug duha ka pangunang rason. Una, bisag daghan na ang nalampos sa mga tawo, wala sila lalanga nga may katakos sa pagtultol sa ilang mga lakang. Ikaduha, napakyas ang laraw sa mga tawo kay “ang tibuok kalibotan nailalom sa gahom sa usa nga daotan,” si Satanas nga Yawa. Busa ang paningkamot sa mga tawo wala gayod makapatunghag kalinaw sa kalibotan.—Basaha ang Jeremias 10:23; 1 Juan 5:19.

Ang kahakog ug ambisyon sa tawo maoy hinungdan usab kon nganong lisod makab-ot ang kalinaw sa kalibotan. Ang gobyerno nga makatudlo sa mga tawo sa paghigugma kon unsay matarong ug sa pagpakitag kahingawa sa usag usa mao lamang ang makapatunghag kalinaw.—Basaha ang Isaias 32:17; 48:18, 22.

Kinsay mopatunghag kalinaw sa yuta?

Ang Labing Gamhanang Diyos nagsaad nga magpatungha siyag usa ka gobyerno nga magmando sa tanang katawhan. Kini mopuli sa tawhanong mga gobyerno. (Daniel 2:44) Ang Anak sa Diyos, si Jesus, magmando ingong Prinsipe sa Pakigdait. Wagtangon niya ang tanang pagkadaotan sa yuta ug tudloan ang mga tawo sa dalan sa kalinaw.—Basaha ang Isaias 9:6, 7; 11:4, 9.

Ubos sa pagtultol ni Jesus, minilyon na karon ang naggamit sa Pulong sa Diyos, ang Bibliya, aron tudloan ang mga tawo sa pagpakigdait sa uban. Sa dili madugay, magmalinawon na ang kalibotan.—Basaha ang Isaias 2:3, 4; 54:13.

Pagkat-og Dugang

Unsa ang Katuyoan sa Diyos Alang sa Yuta?

Matuman kaha ang katuyoan sa Diyos alang sa yuta? Kon mao, kanus-a?

Kalinaw sa Yuta Matagamtam Na Gayod!

Diyos lang ang makasulbad sa problema sa tawo, apil na sa terorismo. Nganong makaseguro kita niana?