Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

ANG BANTAYANANG TORRE MARSO 2013

 PAKIGSUOD SA DIYOS

“Unsa Man ang Sugo nga Una sa Tanan?”

“Unsa Man ang Sugo nga Una sa Tanan?”

Unsay gikinahanglan aron mapahimut-an ang Diyos? Duna bay taas nga listahan sa mga lagda nga angay natong sundon? Maayo gani kay wala. Sumala mismo sa Anak sa Diyos, si Jesu-Kristo, ang gikinahanglan sa Diyos kanato mahimong hubiton sa usa ka pulong.—Basaha ang Marcos 12:28-31.

Tagda una ang kahimtang sa dihang gibungat ni Jesus kining mga pulonga. Siya nanudlo diha sa templo sa Nisan 11, pipila ka adlaw una siya mamatay. Ang iyang mga kaaway naningkamot nga mabitik siya pinaagi sa pagsuknag kontrobersiyal nga mga pangutana. Apan, sa matag tubag ni Jesus, dili na sila makapangatarongan. Dayon, gipangutana nila si Jesus: “Unsa man ang sugo nga una sa tanan?”—Bersikulo 28.

Dili kana sayon nga pangutana. Gidebatehan sa pipila ka Hudiyo kon unsa ang una, o ang kinalabwan sa kapig 600 ka balaod nga naglangkob sa Moisesnong Balaod. Ang uban tingali moinsistir nga ang tanang balaod parehong hinungdanon ug sayop nga isipong labaw ang usa kay sa uban. Unsay tubag ni Jesus sa maong pangutana?

Sa pagtubag, si Jesus naghisgot dili lang usa kondili duha ka sugo. Una, siya miingon: “Higugmaon mo si Jehova nga imong Diyos sa tibuok mong kasingkasing ug sa tibuok mong kalag ug sa tibuok mong kaisipan ug sa tibuok mong kusog.” (Bersikulo 30; Deuteronomio 6:5) Ang mga terminong “kasingkasing,” “kaisipan,” “kalag,” ug “kusog” halos walay kalainan. * Ang kahulogan niini mao: Ang gugma kang Jehova angayng maglangkit sa tibuok nga pagkatawo, sa tanan niyang katakos ug kahinguhaan. Usa ka reperensiya sa Bibliya miingon: “Ang Diyos kinahanglang higugmaon sa bug-os.” Busa kon gihigugma nimo ang Diyos, buhaton nimo sa matag adlaw ang imong maarangan sa pagkinabuhi sa paaging makapahimuot kaniya.—1 Juan 5:3.

Ikaduha, si Jesus miingon: “Higugmaon mo ang imong silingan sama sa imong kaugalingon.” (Bersikulo 31; Levitico 19:18) Ang gugma sa Diyos ug sa silingan nalangkit pag-ayo sa usag-usa. Ang gugma sa silingan maoy resulta sa gugma sa Diyos. (1 Juan 4:20, 21) Kon gihigugma nato ang atong silingan sama sa atong kaugalingon, trataron nato sila sa paagi nga gusto natong trataron ta nila. (Mateo 7:12) Pinaagi niini, atong ikapakita nga gihigugma nato ang Diyos nga naglalang kanato—ug kanila—sumala sa iyang larawan.—Genesis 1:26.

Ang gikinahanglan lang ni Jehova sa iyang mga magsisimba mahubit sa usa ka pulong: gugma

Unsa ka hinungdanon ang sugo nga higugmaon ang Diyos ug ang silingan? “Walay laing sugo nga mas dako pa kay niini,” si Jesus miingon. (Bersikulo 31) Sa susamang asoy, siya miingon nga ang tanang ubang sugo nagsukad niining duha.—Mateo 22:40.

Ang pagpahimuot sa Diyos dili komplikado. Ang iya lang gikinahanglan mahubit sa usa ka pulong: gugma. Kana mao gayod ang diwa sa matuod nga pagsimba sukad kaniadto ug hangtod karon. Apan ang gugma dili kay usa lang ka pulong o pagbati; angay kining ipasundayag sa mga buhat. (1 Juan 3:18) Nganong dili tun-an kon unsaon nimo pag-ugmad ug pagpasundayag sa gugma kang Jehova, ang Diyos nga “gugma”?—1 Juan 4:8.

Sugyot nga pagbasa sa Bibliya sa Marso

Marcos 9-16Lucas 1-6

^ par. 6 Sa Bibliya, ang pulong “kalag” nagtumong sa tibuok nga pagkatawo. Busa ang kalag mahimong maglakip sa “kasingkasing,” “kaisipan,” ug “kusog.”

 

Pagkat-og Dugang

Gihimo ba Nimo ang Gusto sa Diyos?

Importante ang pagsunod sa Diyos, apan labaw pa ang gikinahanglan aron mahimo niyang higala.