Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

ANG BANTAYANANG TORRE PEBRERO 2013

 PANGUNANG TEMA: KON UNSAY ATONG MAKAT-ONAN KANG MOISES

Kinsa si Moises?

Kinsa si Moises?

Unsay mosantop sa imong hunahuna kon imong madungog ang ngalang Moises? Maghunahuna ka ba . . .

  • sa masuso nga gitagoan sa iyang inahan diha sa basket ug gipaanod sa Suba sa Nilo?
  • sa bata nga gipadako sa anak nga babaye ni Paraon sa maluhong kinabuhi sa Ehipto—apan wala gayod malimot nga siya usa ka Israelitas?
  • sa tawo nga nahimong magbalantay sa karnero sa Midian sulod sa 40 ka tuig?
  • sa tawo nga nakigsulti kang Jehova * atubangan sa nagdilaab nga tanom?
  • sa tawo nga miatubang sa hari sa Ehipto, nga maisogong naghangyo nga pagawson ang mga Israelitas sa pagkaulipon?
  • sa tawo nga gisugo sa Diyos sa pagpahayag sa Napulo ka Hampak ngadto sa Ehipto sa dihang ang hari niini wala moila sa matuod nga Diyos?
  • sa tawo nga nanguna sa mga Israelitas sa paggula sa Ehipto?
  • sa tawo nga gigamit sa pagbahin sa Pulang Dagat?
  • sa tawo nga naghatag sa mga Israelitas sa Napulo ka Sugo gikan sa Diyos?

KINING tanan ug ang uban pa nasinatian ni Moises. Mao diay nga kining matinumanong tawo gitahod pag-ayo sa mga Kristohanon, Hudiyo, ug mga Muslim!

Sa walay duhaduha, si Moises maoy propeta nga nagbuhat ug katingalahang mga butang. (Deuteronomio 34:10-12) Misugot siya nga gamiton sa Diyos sa gamhanang paagi. Apan, si Moises maoy ordinaryong tawo. Sama kang propetang Elias, kinsa nakita tupad ni Moises sa usa ka panan-awon panahon sa yutan-ong ministeryo ni Jesus, si Moises maoy usa ka tawo nga “may pagbati nga sama kanato.” (Santiago 5:17; Mateo 17:1-9) Naagoman usab niya ang daghan sa mga problema nga atong giatubang, ug nasagubang niya kana.

Gusto ka bang mahibalo kon sa unsang paagi nahimo kana ni Moises? Tagda ang tulo sa maayo niyang mga hiyas ug kon unsay atong makat-onan sa iyang panig-ingnan.

^ par. 7 Sa Bibliya, Jehova ang ngalan sa Diyos.