Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

ANG BANTAYANANG TORRE DISYEMBRE 2012

Pagpangita sa Diwa sa Pasko

Pagpangita sa Diwa sa Pasko

“Dali ra kaayong malinga sa pagkapuliki sa maong okasyon. Ang usa maobligar pagsunod sa mga tradisyon sa maong selebrasyon, ug ang panahon uban sa pamilya ug mga higala mamenosan tungod sa pagkapuliki. Ang kalipay nga angay natong bation masapawan usahay sa stress nga atong masinati.”—KANHING GOBERNADOR SA OKLAHOMA [U.S.A.] NGA SI BRAD HENRY, DISYEMBRE 23, 2008.

SAMTANG magsingabot ang Pasko, ang mga awit, pelikula, ug mga programa sa TV magpasiugdag kasadya ug kalipay—ang diwa sa Pasko. Unsa kahay labing hinungdanong bahin niana? Kana ba ang

  • Paghandom kang Jesu-Kristo?
  • Pagpakigbahin sa kalipay sa paghatag?
  • Pagtabang sa mga kabos?
  • Pag-ubanay sa pamilya?
  • Pagpalambo sa kalinaw?

Ingon sa gisulti na ni Gobernador Henry, daghang nagsaulog sa Pasko ang nalisdan sa pagkab-ot sa bisan hain niana nga mga tumong. Ang panahon sa Pasko sagad puliki kaayo, maka-stress ug, labaw sa tanan, gihimong negosyo. Imposible bang masinati ang kalipay ug gugma nga mao gyod untay diwa sa Pasko?

Ang Bibliya nagdasig natong tanan sa paghinumdom kang Jesu-Kristo, paghatag nga madagayaon, pagtabang sa mga kabos, ug paggugol ug panahon uban sa atong pamilya. Kini nagtudlo sab nato kon sa unsang paagi magmakigdaiton. Busa, imbes hisgotan kon nganong ang pipila dili mosaulog ug Pasko, * kini nga serye sa mga artikulo maghisgot sa mosunod nga mga pangutana:

  • Unsay gihunahuna sa pipila nga maoy rason sa pagsaulog sa Pasko?
  • Nganong hagit ang pagkab-ot sa ilang gidahom panahon sa Pasko?
  • Unsang mga prinsipyo sa Bibliya ang nakatabang sa minilyon sa pagkakaplag ug usa ka butang nga mas maayo pa kay sa Pasko?

^ par. 10 Alang sa Kasulatanhong mga rason kon nganong ang pipila nakadesisyon nga dili mosaulog ug Pasko, tan-awa ang artikulong “Mga Magbabasa Nangutana—Nganong ang Pipila Dili Mosaulog ug Pasko?”