Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

ANG BANTAYANANG TORRE OKTUBRE 2012

 Pagkat-on Gikan sa Pulong sa Diyos

Mahimo Ka Bang Mabuhi sa Walay Kataposan?

Mahimo Ka Bang Mabuhi sa Walay Kataposan?

Kini nga artikulo nagpatunghag mga pangutana nga lagmit imong gisukna ug nagpakita kon asa nimo mabasa ang tubag niini sa Bibliya. Ang mga Saksi ni Jehova malipay sa pagpakighisgot niini kanimo.

1. Nganong mubo kaayo ang atong kinabuhi?

May mga pawikang mabuhig 150 ka tuig, ug may mga kahoyng mabuhig 3,000 ka tuig. Kon itandi, ang kinabuhi sa tawo mas mubo kaayo. Apan, ang atong kinabuhi mahimong mas makahuloganon kay nianang sa pawikan o kahoy. Gilalang ni Jehova nga Diyos ang tawo nga may kapasidad nga malipay sa musika, esports, pagkaon, pagkat-on, pagsuroysuroy, ug paghimamat ug mga tawo. Gibutang sa Diyos sa atong kasingkasing ang tinguha nga mabuhi sa walay kataposan.—Basaha ang Ecclesiastes 3:11.

2. Mabuhi ba gyod ta sa walay kataposan?

Si Jehova buhi hangtod sa hangtod. Siya dili mamatay. Siya ang Tuboran sa kinabuhi, busa siya makahatag sa uban ug kinabuhing dayon. (Salmo 36:9; Habacuc 1:12) Dugang pa, siya misaad nga hatagag kinabuhing dayon kadtong magmasinugtanon kaniya. Iyang balihon ang proseso sa pagkatigulang.—Basaha ang Job 33:24, 25; Isaias 25:8; 33:24.

Gipakita ni Jesus sa iyang gamhanang mga buhat nga makasalig ta sa saad sa Diyos nga kinabuhing dayon sa hingpit nga panglawas. Giayo ni Jesus ang daghang matang sa sakit ug gibanhaw pa gani ang mga patay.—Basaha ang Lucas 7:11-15, 18, 19, 22.

 3. Kanus-a mahitabo ang kinabuhing dayon?

Buot sa Diyos nga kita mabuhi sa walay kataposan, dili sa kalibotan nga puno sa pagpanglupig ug kapintasan, kondili sa paraisong yuta. Buot niyang mobati kita ug kasegurohan. (Salmo 37:9, 29; Isaias 65:21, 22) Samtang himoong Paraiso ang yuta, minilyon nga nangamatay ang banhawon. Ang mga binanhaw nga mopili sa pagsimba sa Diyos ug motuman kaniya mabuhi sa walay kataposan.—Basaha ang Lucas 23:42, 43; Juan 5:28, 29.

4. Sa unsang paagi nato mabatonan ang kinabuhing dayon?

Dili gayod kawang ang pagpakigsuod sa Diyos

Ang Diyos lamang ang makahatag natog kinabuhing dayon. Busa, mas maayong makigsuod ta kaniya pinaagig pagkat-on bahin kaniya. Gipakasama sa Bibliya ang pagkuhag kahibalo sa Diyos ngadto sa pagkaon. (Mateo 4:4) Ang pagkaon makahatag ug kalipay, apan ang pagbaton ug pag-andam niana nagkinahanglag paningkamot. Sa susama, ang pagkuhag espirituwal nga pagkaon nagkinahanglag paningkamot. Apan may labaw pa bang mapuslanon kay sa pagpakigsuod sa Diyos ug pagdawat ug kinabuhing dayon?—Basaha ang Lucas 13:23, 24; Juan 6:27; 17:3.

Pagkat-og Dugang

Unsa ang Katuyoan sa Diyos Alang sa Yuta?

Matuman kaha ang katuyoan sa Diyos alang sa yuta? Kon mao, kanus-a?