Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

ANG BANTAYANANG TORRE NOBYEMBRE 2009

Usa ka Tinumotumong Pagtulon-an Mipatunghag Laing Tinumotumong Pagtulon-an

Usa ka Tinumotumong Pagtulon-an Mipatunghag Laing Tinumotumong Pagtulon-an

 Usa ka Tinumotumong Pagtulon-an Mipatunghag Laing Tinumotumong Pagtulon-an

“PAGBANTAY kamo,” misulat si apostol Pablo ngadto sa mga Kristohanong nagkinabuhi sa ikaduhang katunga sa unang siglo C.E. Nganong naghatag siya sa maong pasidaan? “Basin adunay modagit kaninyo pinaagi sa pilosopiya ug walay-pulos nga panglimbong sumala sa tradisyon sa mga tawo.”—Colosas 2:8.

Bisan pa sa pasidaan ni Pablo, ang pipila ka Kristohanon sukad sa tungatunga sa ikaduhang siglo C.E. misugod sa pagsagop ug mga ideya nga gitudlo sa karaang mga pilosopo sa pagpatin-aw sa ilang mga tinuohan. Ngano? Gusto nila nga ang edukadong mga tawo sa Imperyo sa Roma mopabor kanila ug busa daghan silag makabig.

Si Justin Martyr, nga usa sa labing inila sa maong mga Kristohanon, nagtuo nga ang Tigpamaba sa Diyos nagpadayag ngadto sa Gregong mga pilosopo dugay na kanhi sa wala pa siya moanhi sa yuta ug nailhang si Jesus. Sumala kang Justin ug sa mga magtutudlo nga susama kaniyag hunahuna, ang pilosopiya ug mitolohiya nakahimo sa Kristiyanidad nga bililhon kaayo sa tanang tawo.

Ang matang sa Kristiyanidad nga gipasiugda ni Justin Martyr nakakabig ug daghan. Ugaling lang, ang pagsagop sa usa ka tinumotumong pagtulon-an mipatunghag lain pang tinumotumong mga pagtulon-an, nga karon giila na sa kadaghanan ingong Kristohanong doktrina. Aron mahibaloan ang kamatuoran bahin niini nga mga pagtulon-an, itandi ang giingon sa mosunod nga mga reperensiya sa kon unsay gitudlo sa Bibliya.

[Picture Credit Lines sa panid 3]

Yawa: Barrators—Giampolo/The Doré Illustrations For Dante’s Divine Comedy/Dover Publications Inc.; mga anghel: Art Resource, NY; kinulit nga trinidad: Museo Bardini, Florence