Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

ANG BANTAYANANG TORRE NOBYEMBRE 2008

Usa ka Open House nga May Katuyoan

Usa ka Open House nga May Katuyoan

 Usa ka Open House nga May Katuyoan

“UNSA kahay naa diha?” Mao kanay ipangutana sa kadaghanan sa manglabay sa dakong buhatan sa mga Saksi ni Jehova sa Siyudad sa Mogale (Krugersdorp), duol sa Johannesburg, Habagatang Aprika. Busa ang mga Saksi nagpahigayon ug usa ka open house sa maong sangang buhatan niadtong Oktubre 12 ug 13, 2007. Duha ang katuyoan niini—aron sa pagwagtang sa bakak nga mga hulungihong ug sa pagpakita sa mga tawo kon unsay ginabuhat diha sa sangang buhatan sa pagpaluyo sa buluhaton nga gisugo ni Jesu-Kristo.Mateo 28:19, 20.

Ang mga Saksi nga nag-alagad didto nagbutang ug dagkong mga karatula diha sa entrada nga nagdapit sa mga tawo. Nanghatag usab silag espesyal nga mga imbitasyon sa mga silingan. Gidapit nila ang mga negosyante nga nagsuplay sa mga panginahanglan sa sanga ug ang mga pamilya niini. Unsay resulta? Kapin sa 500 ka bisita nga dili Saksi ang misuroy sa pasilidad.

Daghan ang nahingangha sa MAN Roland Lithoman web-offset press nga makaimprentag mga 90,000 ka magasin kada oras. Nakadayeg usab ang mga bisita sa bookbindery ug sa dako kaayo nga shipping area diin giempake ang kapin sa 14 ka toneladang literatura nga ipadala adlaw-adlaw. Ang mga Saksi sa lainlaing departamento nagbutang ug nindot nga mga displey, ug ang usa niana nagpakita sa kasaysayan sa de-makina nga pag-imprenta, gikan sa Gutenberg hangtod sa modernong litho-offset. Ang lain pang displey nagpakita kon unsay gibuhat sa sangang buhatan aron dili madaot ang kalikopan. Pananglitan, adunay mekanismo nga gigamit aron sa pagwagtang sa makahilo nga mga gas ug baho gikan sa dryer sa mga makina, ug aduna say mga tigsala sa abog nga gikan sa papel.

Ang usa ka lokal nga mantalaan nagpatik ug artikulo nga nag-ingon nga ang 700 ka boluntaryo nga nagpuyo sa buhatan maoy “ordinadong mga ministro nga nagpahinungod sa ilang kaugalingon ngadto kang Jehova.” Kini nag-ingon usab nga ang imprentahanan “hinlo kaayo ug untop gayod sa panahon ang mga trabaho.” Usa ka lalaki nga supak kaniadto sa mga Saksi ni Jehova ang misuroy sa pasilidad. Human niana siya misulat: “Gidayeg ko kamo. Talagsaon ug nindot kaayo ang inyong buhatan.”

Daghang bisita ang nagpahayag ug apresasyon sa ilang pagsuroy sa pasilidad ug nahingangha sa pagkakita nga ang sangang buhatan adunay mga literatura nga gipasukad sa Bibliya diha sa 151 ka pinulongan ug nag-imprentag mga publikasyon alang sa 18 ka nasod sa habagatan ug sentral Aprika. Ang mga pasilidad sa sanga sa mga Saksi ni Jehova sa tibuok kalibotan bukas alang sa tour sa mga oras sa trabaho. Ikaw gidapit nga magpakisayod sa eskedyul sa tour pinaagi sa pagkontak sa sangang buhatan sa inyong dapit.

[Hulagway sa panid 14]

Imbitasyon

[Hulagway sa panid 14]

Mga bisita nga nangabot sa sangang buhatan

 Mga [Hulagway sa panid 15]

Sangang buhatan sa Habagatang Aprika sa Siyudad sa Mogale, Habagatang Aprika

[Hulagway sa panid 15]

MAN Roland Lithoman web-offset press

[Hulagway sa panid 15]

Bookbindery

[Hulagway sa panid 15]

Shipping