Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

ANG BANTAYANANG TORRE (TUN-ANANG EDISYON) OKTUBRE 2015

“Mahala Kanunay ang Ingon Nianang Matanga sa mga Tawo”

“Mahala Kanunay ang Ingon Nianang Matanga sa mga Tawo”

SUKAD sa 1992, ang Nagamandong Lawas nagtudlog eksperyensiyado ug hamtong nga mga ansiyano sa pagtabang sa mga komite niini sa ilang buluhaton. * Kini nga mga katabang, nga gikan sa “ubang mga karnero,” nagpaluyo sa Nagamandong Lawas. (Juan 10:16) Sila motambong sa senemanang miting sa mga komite diin sila naasayn, nga maghatag ug gikinahanglang impormasyon ug mga sugyot. Ang mga membro sa Nagamandong Lawas mao ang mohimog kataposang desisyon, pero ang mga katabang maoy magtino nga masunod ang nadesisyonan sa komite ug magbuhat sa mga asaynment nga gihatag kanila. Ang mga katabang mouban sa mga membro sa Nagamandong Lawas ngadto sa espesyal ug internasyonal nga mga kombensiyon. Mahimong iasayn sab sila sa pagduaw sa mga branch office ingong headquarters representative.

Usa sa mga katabang kinsa nag-alagad sukad nga nagsugod ang maong kahikayan miingon: “Kon akong atimanon ang akong asaynment, ang Nagamandong Lawas makahatag ug mas bug-os nga pagtagad sa espirituwal nga mga butang.” Sa paghinumdom sa iyang kapig 20 ka tuig nga pag-alagad ingong katabang, laing brader miingon: “Usa gayod kini ka dakong pribilehiyo nga labaw pa kay sa akong gidahom.”

Ang Nagamandong Lawas dakog gipiyal sa mga katabang niini ug nagpabili sa maayong pag-alagad nianang maunongon ug makugihong mga igsoon. Hinaot nga atong ‘mahalon kanunay ang ingon nianang matanga sa mga tawo.’—Filip. 2:29.

^ par. 2 Tan-awa ang kahon nga “Ang Pag-atiman sa Nagamandong Lawas sa Buluhaton sa Gingharian” sa kapitulo 12 sa librong Gingharian sa Diyos Nagmando Na! alang sa sumaryo sa mga responsabilidad nga giatiman sa unom ka komite sa Nagamandong Lawas.